+ Universis sancte matris + || ecclesie filiis, ad quos presentes littere pervenerint, nos miseracione divina Martinus || Texianensis¹ archiepiscopus, Paulus Fulginensis² episcopus, Benedictus Cardicensis³ episcopus, Alamannus Suanensis⁴ episcopus, Philippus^a) | Salonensis⁵ episcopus, Andreas Coronensis⁶ episcopus, Dominicus Perensis^b)1 episcopus, Johannes Bregerensis^c)1 episcopus et Jacobus de Vallona⁷ episcopus salutem in domino sempiternam. Splendor^d) paterni luminis, qui sua mundum ineffabili illuminat claritate, pia vota fidelium in sua clementi^e) maiestate^f) sperantium tunc precipue benigno favore prosequitur, cum ipsorum de vota humilitas sanctorum suorum^g) meritis et precibus adiuvatur. Cupientes^h) igitur, ut capella in Vzenaⁱ⁾⁸ fundata in honore sancti Michaelis^k) archangeli Constantinensis^l) diocesis^m) congruis honoribus frequentetur et a Christi fidelibus iugiter veneretur, omnibus vere penitentibus et confessis, qui ad dictam capellam in omnibus festis sui patroni et in dedicacione eiusdem ac in aliis festis infrascriptis videlicet natalis domini, circumcisionis, epiphanie, parasceves, pascheⁿ⁾, ascensionis^o), pentecostes^p), trinitatis, corporis Christi, invencionis et exaltacionis sancte crucis, in omnibus et singulis festis beate Marie virginis, in festis sancti Johannis Baptiste ac Petri et Pauli et omnium apostolorum et ewangelistarum sanctorumque Stephani, Laurencii, Martini, Nicholai^q), Michaelis^k), sanctarum Marie Magdalene, Katerine, Margarete, Cecilie, Lucie, in commemoracione omnium sanctorum et animarum et per octavas dictarum festivitatum octavas habencium singulisque diebus dominicis causa devocionis oracionis aut peregrinacionis accesserint seu qui missis predicationibus matutinis vesperis aut aliis quibuscumque divinis officiis ibidem interfuerint aut corpus Christi vel oleum sacrum, cum infirmis portentur, secuti fuerint seu in serotina pulsacione campane secundum modum curie Romane genibus flexis ter ave Maria dixerint, necnon qui ad fabricam luminaria ornamenta aut quevis alia dicte capelle^r) necessaria manus^s) porrexerint adiutrices^t) vel qui in eorum testamentis aut^u) extra aurum argentum vestimentum aut aliquod aliud caritativum subsidium dicte capelle donaverint legaverint aut procuraverint, vel qui cymiterium dicte capelle pro animabus omnium fidelium defunctorum exorando circuierint, quocienscumque premissa vel aliquid premissorum devote fecerint, de omnipotentis dei misericordia et beatorum Petri et Pauli apostolorum^v) eius auctoritate confisi singuli nostrum quadraginta dies indulgenciarum de iniunctis eis penitenciis misericorditer in domino relaxamus, dummodo diocesani^w) voluntas ad id accesserit et consensus. In cuius rei testimonium presentes litteras sigillorum nostrorum iussimus appensione muniri. Datum Auinione, XIX.^x) die mensis augusti anno domini M°.CCC°.XXXVI°.^y) et pontificatus domini Benedicti pape XII^z) anno secundo.

Source Fulltext: Chartularium Sangallense VI, Nr. 3627, S. 233-234.