Allen, die disen brief an sehent oder ho^erent lesen, kv´nden wir Růdolf vnd V^olrich von Sala¹ gebrůdere vnd veriehen || offenlich an disem brief fúr v´ns vnd Cv^onraten v´nsern brůder, das wir den zehenden ze Altlikon² vnd die schůposse || zem Brvnnen ze Altlikon, dú baidú v´nser vatter selig ko^vfte vmb Johansen den Balber von Wintertur³, dú baidú lehen || sint von dem gotteshuse ze der Richun Ôwe⁴,vnd den zehenden vˆf Hainriches des Zinbermans hůbe von E^algo^e5, der lehen ist von dem gotteshuse ze sant Gallen, dem erberen man V^olrich Kv´ndigman von Altlikon ze ko^vffenne gegeben haben vmb sehs vnd vierzeg march silbers Wintertur gewiht, der wir von im genzelich gewert sin, des wir veriehen offenlich an disem brief, vnd haben dem selben V^olrich Kvndigman den vorgenanden zehenden vnd die schůposse ze Altlikon gevertegot von Ôwe, danne sú lehen sint, vnd den zehenden ze E^algo^e haben wir im gevertegot von sant Gallen, dannan er lehen ist, vnd haben dar zv^o gelobt fúr v´ns vnd C^ovnraten v´nsern brůder, das wir des vorgenanden zehenden ze Altlikon vnd der schůposse ze Altlikon fúr lehen von dem gotteshuse ze der Richun Ôwe vnd des zehenden ze Êlgo^e fúr lehen von dem gotteshuse ze sant Gallen wer sin súlind nah rehte vnd als reht ist nah lehens rehte. Vnd ze ainem waren vrkv´nde aller der vor gescribenon dinge so geben wir dem vorgenanden V^olrich Kvndigman disen brief besigelten mit vnseren insigeln fúr v´ns vnd den vorgenanden Cv^onraten v´nsern brůder, wan er aigenes insigels nit hat. Dirre brief wart gegeben ze Wintertur, do von gottes gebúrte waren drúzehenhundert jar, darnah in dem siben vnd drisegosten jare, an sant Ilarien tage.

Source Fulltext: Chartularium Sangallense VI, Nr. 3647, S. 252.