Dilecto filio Ottoni nato dilecti filii Johannis de Rineg¹ militis canonico Constantiensi iurisperito salutem etc.^a) Nobilitas generis litterarum scientia morum decor et alia tue probitatis merita, super quibus apud nos fidedigno commendaris testimonio, nos inducunt, ut tibi reddamur ad gratiam liberales, volentes itaque huiusmodi meritorum obtentu tibi, pro quo etiam venerabilis frater noster Nicolaus episcopus Constantiensis², cuius clericus existis, nobis super hoc humiliter supplicavit, gratiam facere specialem, canonicatum ecclesie Constantiensis provincie Maguntin(e)³ cum plenitudine iuris canonici apostolica tibi auctoritate conferimus et de illo etiam providemus, prebendam vero, si qua in eadem ecclesia vacat ad presens vel cum vacaverit, quam tu per te vel procuratorem tuum ad hoc legitime constitutum infra unius mensis spacium, postquam tibi vel eidem procuratori vacatio illius innotuerit, duxeris acceptandam, conferendam tibi post acceptationem huiusmodi cum omnibus iuribus et pertinentiis suis donationi apostolice reservamus, districtius inhibentes episcopo, qui est pro tempore, et dilectis filiis capitulo Constantiensi ac illi vel illis, ad quem vel ad quos in dicta ecclesia prebendarum collatio provisio vel quevis alia dispositio pertinet comuniter vel divisim, ne de dicta prebenda interim etiam ante acceptationem huiusmodi, nisi postquam eis constiterit, quod tu vel procurator predictus illam nolueritis acceptare, disponere quoquomodo presumant, ac decernentes exnunc irritum et inane, si secus super hiis a quoquam quavis auctoritate scienter vel ignoranter contigerit attemptari. Non obstantibus de certo canonicorum numero et quibuslibet aliis ipsius ecclesie statutis et consuetudinibus contrariis iuramento confirmatione apostolica vel quacumque firmitate alia roboratis, aut si aliqui apostolica vel alia quavis auctoritate in eadem ecclesia in canonicos sint recepti vel, ut recipiantur, insistant, seu si super provisionibus sibi faciendis de canonicatibus et prebendis in ipsa ecclesia speciales vel de beneficiis ecclesiasticis in illis partibus generales apostolice sedis aut legatorum eius litteras impetrarint, etiam si per eas ad inhibitionem reservationem et decretum vel alias quomodolibet sit processum, quibus omnibus preterquam auctoritate nostra in ecclesia ipsa receptis vel prebendas expectantibus in eadem te in assecutione dicte prebende volumus anteferri, sed nullum per hoc eis quo ad assecutionem prebendarum et beneficiorum aliorum preiudicium generari, aut si eisdem episcopo et capitulo vel quibusvis aliis comuniter vel divisim a prefata sit sede indultum, quod ad receptionem vel provisionem alicuius minime teneantur et ad id compelli non possint, quodque de canonicatibus et prebendis eiusdem ecclesie aliisque beneficiis ecclesiasticis ad eorum collationem provisionem seu quamvis aliam dispositionem coniunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mentionem, et qualibet alia dicte sedis indulgentia generali vel speciali, cuiuscunque tenoris existat, per quam presentibus non expressam vel totaliter non insertam effectus huiusmodi nostre gratie impediri valeat quomodolibet vel differri et de qua cuiusque toto tenore habenda sit in nostris litteris mentio specialis, seu si presens non fueris ad prestandum de observandis statutis et consuetudinibus ipsius^b) ecclesie solitum iuramentum, dummodo in absentia tua per procuratorem ydoneum et, cum ad ecclesiam ipsam accesseris, corporaliter illud prestes. Nulli ergo etc. nostre collationis provisionis reservationis inhibitionis^c) et constitutionis infringere etc. Dat. Auinione, XV. kl. februarii, anno quinto. § In eodem modo venerabili fratri . . episcopo Theatin(o)⁴ et dilectis filiis . . preposito monasterii in Ittigen^d)5 per prepositum soliti gubernari Constantiensis diocesis ac . . plebano plebis ecclesie sancti Stephani Constantiensis6 salutem etc.^a) Nobilitas generis etc. . . usque illud prestet. Quocirca^e) discretioni vestre per apostolica scripta^f) mandamus, quatinus vos vel duo aut unus vestrum per vos vel alium seu alios eundem Ottonem vel procuratorem suum eius nomine exnunc auctoritate nostra in dicta ecclesia Constantiensi recipi facientes in canonicum et in fratrem, stallo sibi in choro et loco in capitulo eiusdem ecclesie cum plenitudine iuris canonici assignatis, prebendam per nos ut premittitur in dicta ecclesia reservatam^g), si tempore huiusmodi nostre reservationis vacabat ibidem vel vacavit postea aut quamprimum eam inibi vacare contigerit, prefato Ottoni^h) post acceptationem predictam cum omnibus iuribus et pertinentiis suis auctoritate predicta conferre et assignare curetis, inducentes eum vel procuratorem suum pro ipso in corporalem possessionem prebende ac iurium et pertinentiarum predictorum et defendentes inductum sibique facientes de ipsorum canonicatus et prebende fructibus redditibus proventibus iuribus et obventionibus universis integre reis sponderi, non obstantibus omnibus supradictis seu si prefatis episcopo et capitulo vel quibusvis aliis comuniter vel divisim a prefata sede indultum existatⁱ⁾, quod interdici suspendi vel excommunicari non possint per litteras apostolicas non facientes plenam et expressam ac de verbo ad verbum de indulto huiusmodi mentionem. Contradictores auctoritate nostra etc. Dat.^k) ut supra.

Source Fulltext: Chartularium Sangallense VI, Nr. 3703, S. 291-293.