Ich graf Huk von Montfort¹ tůn kunt vnd vergihe offenlich an disem gegenw|rtigen brief allen den, || die in ansehent, lesent alder ho^erent lesen, daz ich Cůnrat dem Grillen, der min aigen man ist, || durch die gnade, so ich ze im habe, erlobe vnd erlobt habe mit disem brief, das er burger werde, wenne || er welle, in der stat ze sant Gallen, das ist min gůt wille, da von bit ich alle burger der selben stat ze sant Gallen gemainlich vnd sunderlich mit allem vlisse, daz ir in durch min willen vnd durch min bete, wenne er es an v´ mu^etey, ze burger enpfahint vnd im burger reht lihint vnd gu^etlich tu^egint, da tůnt ir mir gar ain sunder dienst an vnd daz och ich an allen sachen dest gerner tůn welle, waz v´ liep ist. Der brief ist ze Lindo^vw² geben, do man von gots gebúrt zalte driuzehenhundert jar vnd drissig jar, dar nach in dem núnden jar, an der nehsten mitchen nach vnser frowen tag ze mittem o^vgsten.

Source Fulltext: Chartularium Sangallense VI, Nr. 3721, S. 301-302.