Wir graue Albr. von Werdenberg¹ tv^ont kvnt allen den, die disen brief ansehent ald ho^erent || lesen, daz wir erworben habint vmb v´nsren herren von gottes gnaden Ro^emischer kayser || Ludewig, daz er v´ns ain marckt het besta^et mit sinem brief² ze Rinegg³ in der stat, || den selben marckt hend wir vnd v´nser burger ze Rinegg gelait vf die mitwochen, also daz alle wochen da marckt sol sin an der mitwochen. Wir veriehint o^vch, daz wir alle die schirmen went, ir lip vnd o^vch ir gůt, von dem marckt vnd zů dem marckt an geva^erde, so vil wir erzúgen mugint mit lip vnd mit gůt, die den marckt sůchent mit ko^vffent ald mit verko^vffent. Vnd dez ze ainem warem vrkv´nd gent wir disen brief besigelt mit v´nsrem aigem insigel, der gen ist, do man zalt von Cristes gebúrt drúzehenhvndert jar vnd dar nach in dem vierzigosten jar.

Source Fulltext: Chartularium Sangallense VI, Nr. 3763*, S. 342.