Wir Nyclaus von gots gnaden bischof ze Cost(e)ntz^a)1 tůn kunt allen den, die disen || brief ansehent lesent oder ho^ernt lesen, daz wir gunnen vnd gunnen haben || mit disem brief dem erbern vesten ritter hern Albht. von Haidelberch², der v´nser vnd || v´nsers gotshuses ze Cost(e)ntz^a) dienstman ist, daz er verko^vffet hat dem gotshuse vnd dem conuent des closters ze Maggnowe³ sant Bernhardes orden in v´nserm bistum gelegen Gůtun, Růd. des Kesselers ze Zukenriet⁴ elichun husfrowen, vnd Cůnr. iren sún vnd des selben Cůnr. svn, dú drú menschen. Vnd ist dizz also beschehen, als vor geschriben ist, mit v´nserr gunst vnd gůtem willen, mit vrkúnd ditz briefs. Der geben ist ze Casteln⁵, do man zalt von Cristes gebúrt drútzehenhundert jar vnd in dem viertzigosten jar, an dem sanstag nach sant Thomas tag des zwelfbotten, vnd ist versigelt mit v´nserm aigenn insigel, daz an disem brief angehangen ist.

Source Fulltext: Chartularium Sangallense VI, Nr. 3761, S. 341.