Allen den, die disen brief sechent oder ho^erent lesen, kúnde ich her V^olrich von Kienberg ritter vogt vnd wir der rat der stat ze Rapreswille¹, daz fúr || v´ns kam Arnolt Amman v´nser bůrger, vnd vsser dem hof ze Lencicon², den er koft von dem O^etlvnbůrger, den da bůwet Grispachs tochter man, || vnd jerlichen giltet fúnf mv´t habern vnd fúnf mv´t vessan vnd sin ledig eigen ist, hat^a) er gemachet frow Adelheiden siner tochter kloster || frowen ze Wrmspach³ vier mút habern vnd vier mút vessan vsser dem vorgenanden hof vnd einen mv´t kernen vnd vier pfennig jerlichen geltes ab dem garten, den er koft von V^olrichen sa^eligen Haggen, ze einem libgedinge, vnd wenne dú vorgenand frow Adelheit nút enist, so sint die vorgenanden a^echt mv´t kornes ledkelichen ledig vnd wider gúuallen an Arnolt Amman vnd an sin erben, vnd der mv´t kerno vnd die vier pfennig geltes von Haggen garten sint gúuallen an allen fúrzůg an daz vorgenand kloster ze Wrmspach dien frowen gemeinlichen allen v´ber tische ze einem jarzit, dien vorgenanden Arnolden Amman, frow Adelheiden siner tochter vnd allen irren forderren ir selen ze růwe vnd ze troste, vnd ist dis alles búschechen mit des vorgenanden vogtes hant mit aller der sicherheit worten vnd werchen, so dar zů notúrftig waz, als vrteil vnd recht gab vnd als sitte vnd gewonlichen ist ze Rapreswille, vnd sv^onderlichen so hat sich Arnolt Amman enzigen fúr sich vnd sin erben aller forderůng vnd ansprach, so er oder sin erben dehein wisse iemer haben mo^echtin vor geistlichen oder vor weltlichen gerichten an den vorgenanden mút kernen geltes vnd der vier pfennig, daz vallen sol an daz kloster ze Wrmspach, mit der búscheidenheit, als hie vor geschriben ist. Vnd ze einem offennen v´rkúnde alles des, so hie vor geschriben ist, so haben wir důrch bette der vorgenanden lútten v´nser bůrger insigel offenlichen gúhenket an disen brief. Der wart geben, do man zalte von gottes gebúrte drúzechen hundert jar, dar nach in dem einen vnd vierzigosten jare, ze mitter vasten.

Source Fulltext: Chartularium Sangallense VI, Nr. 3772, S. 348.