Wir Ludwig herzog von Tekke¹ sazzen ze geriht ze Kůfstain² an vnsers herren stat des Ro^e||mischen kaiser Ludwigs vnd enbieten . . dem rat vnd . . den burgern gemainlichen der stat || ze Zu^erich, ze Kostentz, ze Schaufhusen³ vnd ze sant Gallen vnsern grůz vnd als gůt. || Wir tu^en iv kvnt, daz her Hainrich von Tengen⁴ der alt mit rehter clag vnd vrtail gesetz ist in nu^etzlich gewer vf den hof vnd daz gůt ze Ku^essenach⁵ gelegen ob Zu^erich, daz Chv^enrat Berchtold, den man nent den Sigrist buwet, vnd vf den kirchensatz ze Ku^essenach, der in den selben hof ho^eret, vf die^a) phru^end lihen, die in der selben kirchen sint, vnd was dar zv^o geho^ert besůht vnd vmbesůht^b) ald funden oder vnfunden. Da von gebieten wir iv von gerihtz wegen vnd von vnsers vorgenanten herren gewalt des kaisers, daz ir den vorgenanten von Tengen schirment nutzlich vnd getriulichen vf den egenanten gůten vnd im dar vf beholfen seit, swanne er es an iuch vordert. Teit ir des niht, wan es im vor vns mit gesamenter vrtail ertailt ist, man riht da von zv^o iv als reht waer. Dez ze vrku^end geb^b) wir im mit vrtail disen brief versigelt mit des gerihtz insigel, anno domini M°.CCC°.XLI°. feria secunda post Michahelis.

Source Fulltext: Chartularium Sangallense VI, Nr. 3791, S. 363.