Hermannus dei et apostolice sedis gratia electus et confirmatus in abbatem monasterii sancti Galli¹ totusque conventus monasterii predicti ordinis sancti Benedicti dyocesis Constanciensis universis presencium inspectoribus salutem cum noticia subscriptorum. Consciencie puritas || et religionis integritas nos informat, ut pia et devota loca respiciamus ex debito et eorum utilitatibus propensius intendamus, in quibus religionis integritas, regularis observancia cultusque divini nominis frequencius exercentur. Hinc est, quod, cum devote in Christo abbatissa totusque conventus || monasterii in Maggenowe² ordinis Cysterciensis nobis humiliter supplicarint, ut nos propter deum et propter divini cultus aucmentum eidem cenobio seu conventui in Maggenowe hanc gratiam inpendere dignaremur, quod bona et possessiones, que inferius sub certis nominibus exprimuntur et in quibus discretos ac nobiles || viros Růdolfum dictum Giel de Liebenberg³ militem, Růdolfum dictum Giel de Glatburg⁴ seniorem, Eglolfum de Rosenberg⁵ seniorem, V^olricum et Hainricum dictos Giel de Glatburg⁶ germanos et Hainricum dictum de Hûsen⁷ civem Episcopaliscelle⁸ hactenus memoratus conventus fideles habuerat portitores seu trager vulgariter nuncupatos, posset inantea tamquam sibi directo et utili dominio pertinentes de voluntate nostra expressa et consensu unanimi adhibito licite possidere, nos iuxta iuris sollempnitatem tractatu prehabito diligenti considerantes eiusdem conventus pia ac religiosa opera, que in eo cum desiderio salubriter perpetrantur, et liberalitatem beneficii nobis nostroque monasterio voluntarie exhibiti et inpensi, videlicet quod omne ius seu dominium, quod eidem conventui in curia dicta Helfenberg⁹ et omnibus suis pertinenciis conpetiit seu conpetere poterat quoquo modo, nobis nostroque monasterio de voluntate expressa totaliter cum omnibus suis iuribus libere resignarunt, prenotati conventus iustis ac raciona[bi]libus^a) supplicacionibus inclinati in memoratum conventum pure ac simpliciter propter deum quoad verum directum et utile dominium bona et possessiones transferimus infrascriptas, videlicet molendinum in Flâwile¹⁰ cum possessione dicta das múlgůt, curiam dictam der mayierhof ze Flâwile, possession[em dict]am^a) das Gupflehen¹¹ in Flâwile, curiam dictam Edakswîle¹², decimam in Rosrúti¹³, possessionem dictam vffen der Egge¹⁴, decimam curie in Sôrendal¹⁵, possessionem dictam Hûsner gu^etli sitam in Oberndorf¹⁶ et pratum dictum Watwis¹⁷ ibidem situm, decimam in Gebratswile^b)18 in possessione dicta das Bachlê[n¹⁷ et]^a) decimam in possessione dicta dú Hasahůb¹⁷ in Gebratswile^b). Has quidem possessiones prenotatas, quas prenominati portitores a nostro monasterio tenebant in feodum, ad manus nostras resignatas¹⁹ et ab ipsis omnino liberas resumentes universas et singulas sub prestacione annui census videlicet trium [li]brarum^a) cere in festo beati Galli abbati nostri monasterii, qui pro tempore fuerit, annis singulis in suam cameram solvendarum ipsi conventui in Maggenowe, sive feodales fuerint sive proprie, pleno iure concedimus annectimus et donamus libere et quiete sine inpugnacione qualibet in perpetuum [. . .]endas^c), ita tamen, quod per concessionem huiusmodi et annexionem monasterium nostrum et ecclesie vel cappelle quecumque serviciis censibus et iuribus eisdem possessionibus inpositis antea nullatenus defraudentur. Et si dictus conventus aliquibus hominibus ad fictum vel ad firmum pro tempore vite eorum, in perpetu[um]^a) vel ad tempus usufructum vel pensionem in predictis bonis seu possessionibus constituerit vel vendiderit vel adhuc vendat vel constituat, per hoc in bonis vel possessionibus predictis nobis nostroque monasterio nullum ius aquiritur nec eidem conventui quoad verum vel ad utile dominium eorundem bonorum ali[quod]^a) preiudicium generatur, sed expleto usufructu possessiones, in quibus constitutus fuerat, ad ipsum conventum libere revertantur, hoc etiam adiecto, quod predictus conventus, si forte necessitate vel aliquo casu urgente possessiones vel bona predicta vel ex ipsis aliquam alienare contingerit, easdem possessionis^a) et bona aliis personis et hominibus quam nostro monasterio pertinentibus et vulgariter dictis in der gnôssami vendere et alienare non debent nec vendendi vel alienandi aliter aliquam habeant potestatem, renunciantes insuper beneficio restitucionis in integrum ac omni iuris auxilio, per quod premissa omnia universaliter possent infringi vel eorum quodlibet particulariter in toto vel in parte aliqualiter infirmari. In cuius rei evidens testimonium sigilla nostra duximus presentibus appendenda. Datum et actum apud sanctum Gallum, anno domini millesimo tricentesimo quadragesimo primo, pridie kalendas novembris, indictione decima.

Source Fulltext: Chartularium Sangallense VI, Nr. 3793, S. 364-366.