Ich graf Fridrich von Toggenburg¹ kúnd allen, die disen brief sehent oder || ho^erent lesen, das ich vergich offenlich an disem briefe, das ich von den erwir||digen geistlichen herron . . von gottes gnaden dem abte vnd dem conuent des || gotzhus in der Richen Owe² gewert bin zwelf guldin gůter vnd geber von Florentz vnd drissig pfunt pfenning Costenzer múntze an vier vnd zwenzig march silbers Costenzer gewicht, die sú mir schuldig beliben von mines vettern seligen grauen Kraftes von Toggenburg³ libgedinge⁴, vnd der vorgenanter guldin vnd pfenning sag ich sú vnd ir gotzhus ledig fúr mich vnd min erben an disem briefe. Vnd ze einem offen vrkúnd alles des, so vorgeschriben stat, gib ich disen brief besigelt mit minem ingesigel offenlich. Dis geschach vnd wart o^vch dirre brief geben ze Liechtensteig⁵, do man von gottes gebúrte zalte drúzehenhundert iar, dar nach in dem zwei vnd vierzigosten iare, an der mitken in der fronuasten ze pfingsten.

Source Fulltext: Chartularium Sangallense VI, Nr. 3807, S. 377.