Allen^a), die disen brief sehent oder ho^erent lesen, kúnd ich graf Fridrich von || Toggenburg¹, das ich mit bedachtem můte die eigenschaft des houes ze || Ramsowe², der min recht eigen was, vnd den selben hof Heinrich von Ep||penberg³ von mir ze rechtem lehen hatte, geben hab recht vnd lideklich dem vorgenanden Heinrich von Eppenberg mit aller ehafti worten vnd werchen vmb die dienste, so er mir dike getan hat vnd noch tůn mag, vnd hab im geben vollen gewalt ze tu^enne mit demselben hof⁴ alles das, das im da mit fu^eget ze tu^enne als mit anderm sinem eigen gůte. Vnd ze einem offen vrkúnd alles des, so vor geschriben stat, gib ich disen brief besigelt mit minem ingesigel offenlich. Dis geschach vnd wart o^vch dirre brief geben ze Liechtensteig⁵, do man von gottes gebúrte zalte drúzehenhundert iar, dar nach indem zwei vnd vierzigosten iare, an sant Thomas tag.

Source Fulltext: Chartularium Sangallense VI, Nr. 3833, S. 396.