Allen den, die disen brief an sehent lesent oder ho^erent lesen, kúnden wir Albreht vnd Friderich || von Bussenang¹ gebrůder ritter vnd frigen in Costentzer bistům vnd uergehint offenlich an disem || brief, dz fúr v´ns kam der beschaiden man Cůnrat der Rise burger ze Wile² vnd uersaste || mit^a) v´nseren handen willen vnd uerhengende den zehenden gelegen ze Landoltswalde³, der von v´ns lehen ist, Adelhaide siner elichun wirtenne, Cůnratz Muntbrates sa^elgen tohter von Costentz, Adelhaide, Annun, Angnesun vnd Cůnrat iro baider elichen kinden vnd dar nah allen kinden, dú der selbe Cůnrat Rise vnd dú vorbenempte Adelhaid sin elichú wirtenne^b) immer bi an ander gewinnent, ze ainem werten pfande mit allem reht, so dar^c) vnd dar in geho^eret, fúr fúnfzig mark silbers gena^emes vnd vnuersproches Costentzer gewihtes mit so^elcher beschaiden^d), wenne der vorgescribenun kinde kaines vs gestúret vnd beraten wirdet von vatter ald von můter, dz sol gar vnd gantzlich von dem zehenden dem vorbenempten sin vnd gan vnd sol dú andern sinú gesw|stergit noh sine můter dar an nimmer me bekrenken vf gaistelichem noh weltlichem geriht noh ane reht kainen weg. Vnd ze merer sicherhait aller vorgescribener ding henken wir v´nserú aigenen insigel an disen brief. Dis geschach vnd wart dirre brief geben, do von gottes gebúrt warent drútzehenhundert jar, vierzig jar, dar nah in dem dritten jar, an der midchun in den pfingsten.

Source Fulltext: Chartularium Sangallense VI, Nr. 3842, S. 401.