Allen dien, die disen brief sehend oder ho^erent lesen, kv´nden wir Johans von Sternegge¹ ritter, Wilhelm vnd || Hug von Luterberg² gebrůder vnd veriehin offenlich an disem briefe, das wir schuldig sin vnd recht vnd || redlich gelten svn Albrechte hern Johans seligen svn von Scho^vwenstain³ dri vnd zwenzig gv^oter gvldin Flo||rin, vnd hein im gesworn zv^o den heiligen, die ze richtenne vf die alten vasnacht, die nv ze nechst kvnd dar nach, so dirre brief geben ist, teten wir des nv´t, swen wir den von im oder sinen erben, úb er nv´t were, oder iren gewússen botten gemant werden^a), so svn wir v´ns entwúrten sweder si went in die stat ze Chur oder in die ze Lindo^vwe⁴ vnd da ligen ze vaillem gv^ote vnd niemer dennen komen, e das er oder sin erben der vorgeschriben dri vnd zwenzig gvldin gar vnd gentzlich vergolten sint, an alle geverde. Vnd ze ainem waren vrkv´nde dir vorgeschriben dingen so hain wir die vorgenanten Johans von Sternegge ritter, Wilhelm vnd Hug von Luterberg, vnserv´ ingesigel gehenket an disen brief. Der geben ist ze Chur, do man zalte von gottes gebúrte drúzehenhvndert jar, dar nach in dem dritten vnd vierzegosten jare, an dem donrstage nach sant Niclaus tage.

Source Fulltext: Chartularium Sangallense VI, Nr. 3864, S. 418.