Wir graif Fridrich von Toggenburg¹ kunden vnd vergehint offenlich allen den, die disen gegenwúrtigen brief ansechent alder ho^erent || lesen, das Burchkart von Tettingen² fur vns kam vnd bat mich von im ain lehen vf ze nemen, das von mir lehen ist, das ta^et || ich, vnd bat mich der selb Burchkart von Tettingen, das selb lehen furbas ze liehen im vnd sim brůder her Walhter von Tettingen || ritter, vnd sand das selb lehen Walhter von Tettingen vf bi Burchkart sinem brůder, won er lehen von mir het, du selben gůter sint gelegen ze Nusbom³, die da wilent Karlung bûwet. Vnd ze ainem vrkunt der warhait aller dirre ding, so an disem brief geschriben stat, geben wir der vorgenant graif Friderich von Toggenburg vnser insigel an disen brief. Dirre brief wart geben in dem jar, do mans^a) Cristes geburt zalt drúzehen hundert, darnah in dem vier vnd vierczigosten jar, an sant Jerigen abent.

Source Fulltext: Chartularium Sangallense VI, Nr. 3885, S. 435.