Ich Hug der Hauen stat amman ze Costentz¹ tůn kvnt allen, die^a) disen gegenwúrtigen brief ansehent alder ho^erent lesen, das der || keller von Egena² fúr mich kam fúr offen geriht vnd klegt vmb ainen val von des Kriegers sa^eligen wegen vnd sprach, der hôrti in den || hof ze Egnâ, die wile er in lip was, vnd wa^ere das von ains wehsels wegen, do kam vf den selben tag fúr mich fúr geriht der Gamp von || miner frowen wegen von Mv´nsterlingen³ vnd offenot vnd sprach also, des selben Kriegers můter hôrti an das gotzhus ze Mv´nsterlingen vnd hettin och ainen val von ir in genomen, vnd wa^er der vorgenant Krieger ir svn bi dem keller von Egna ze ledikait, darnach kam des selben tages och fúr mich fúr geriht Albreht von Gv´ttingen⁴ vnd klegt an mins herren des probstes stat von sant Gallen vnd sprach, des Kriegers můter wurde ainem des gotzhus man von sant Gallen geben ze rehter ê, der gen Germanshusen⁵ in den hof hôrti, vnd von des wehsels wegen so horti im dv´ frowe nach an das selbe gotzhus, do wart ertailt mit ertailt mit vrtail^b), mo^eht der vorgenante Albreht von Gv´ttingen fúr bringen mit můter magen an des selben mins herren des probstes stat, das des egenanten Kriegers vatter hôrti in den hof ze Germenshusen, vnd das och die gezúg in den aide na^emin, das des Kriegers vatter vnd můter elich vnd offenlich ze kylchen vnd ze strass giengen, e das der Krieger an dis welt geborn wûrde, das och des Albreht von Gv´ttingen an mins herren des probstes stat genusse, do sprach der selbe Albreht, das wolt er fúr bringen, des gab ich inen tag, als mit vrtail ertailt wart, vff disen hv´ttigen tag, zů dem tag kam der vorgenante V^olrich der Gamp, vnd kam niemeran wider in dar, won der vorster in Bůch⁶ kam von der wegen von Hohenfels⁷ dar vnd sprach, er wa^er nit vsgesent in der sach ze gewinnent vnd ze verliesent, do wart ertailt mit gesamnotter vrtail, das der selbe Gamp an mit^c) frowen stat von Múrsterlingen^d) die ansprach behebt het. Vnd des ze vrkv´nd der warhait gib ich der vorgenante amman min insigel an disen brief. Der ist ze Costentz geben, do man von Cristes gebúrte zalte drv´zehenhvndert jar, darnach in dem vier vnd vierzigosten jar, an der nehsten mitwchen nach vsga^enter pfingstwochen.

Source Fulltext: Chartularium Sangallense VI, Nr. 3890, S. 438.