Allen, die disen brieff sehend oder ho^erend lesen, kúnden wir V^olrich vnd Heinr. die Giel von Glattburg¹ vnd verjehen offenlich an disem brieff fúr v´ns vnd v´nser erben, dz wir mit gůter vorbetrachtung den ersamen Joh. Wildrich vnd Gerwig Blarer burger ze sant Gallen den hoff halben genant Húsen² gelegen by Bischoffzelle³, der v´nser vnd v´nser geswistergit was, mit allen nútzen vnd gewonheiten vnd mit aller zůgeho^erden, die wir vntz her gehebt haben, recht vnd redlich ze kouffen haben geben vmb sechs vnd sibenzig pfund vnd zechen schilling pf. Cost(entzer) múntz, der wir gantz bezalt sind vnd in v´nsern offen nutz bekert haben. Wir veriehen ouch, dz wir inen denselben hoff halben gefertgot haben, als recht was, mit des erwirdigen v´nsers gnedigen herren hand abt Hermans ze sant Gallen⁴, von dem er v´nser lehen was. Wir haben v´ns ouch verzigen^a) verzihend v´ns mit disem brieff recht vnd redlich aller recht vnd ansprach, die wir hatten ald haben mo^echtin zů dem vorg(enanten) hof von eigenschafft ald von lehens wegen. Wir verjehen ouch, das wir inen gelopt hand mit gůten trúwen, des selben hoffs halben wer ze sin nach recht gen menklichem an allen stetten, da es inen notdurfftig ist. Vnd ze vrkúnd haben wir v´nsri insigel fúr v´ns vnd v´nser erben gehenkt an disen brieff. Der geben ist an sant Othmars abent nach gotz gebúrt drúzehenhundert vnd im vier vnd vierzigosten jare.

Source Fulltext: Chartularium Sangallense VI, Nr. 3906, S. 452-453.