Allen den, die disen brief an sehent lesent oder ho^erent lesen, kúnt ich Johans Sturzen||eggen¹ vnd vergich offenlich an disem brief, daz ich an der ainloftusent ma^egd tag || von hern Peter ze Jonswille² hundert phunt, zehen phunt, fúnf schilling minr, gůter || Costenzer phenning gewert bin, der er mich vnd min brůder berihtet het von Eglolfs dez Blarrers vnd . . siner erben^a) wegen vnd von dez . . conuentz wegen ze Maggenowe³, der sú mir schuldig waren von ains hofs wegen ze Bichwille⁴ gelegen^b), der min waz, den ich inen ze ko^vfen geben han. Vnd hier vmb ze ainem offen v´rkúnt henk ich der vorgenant Johans min insigel an disen brief. Der geben wart in dem jar, do man zalt von gotz gebúrt drúzehen hundert jar vnd vier vnd vierzig jar, an dem tag, als da vor geschriben stat.

Source Fulltext: Chartularium Sangallense VI, Nr. 3904, S. 452.