Ich Dietrich der Meier von Altstetten¹ kúnde vnd vergihe offenlich an disem brief, daz ich gelobt han mit miner trúwe an eins rechten eides || stat vnd loben och mit disem brief dur der gnade willen, die mir der erwirdig herre abt Cůnr. des gotzhus zen Einsidellen² getan hat, daz ich || in vnd daz vorgenant gotzhus mit gantzen trúwen fúrdern vnd schiermen sol vnd nicht hindern noch bekrenken keins wegs an den lúten || vnd an dem gůt, daz in den hof ze A^eschentz³ geho^ert, ane alle geua^erde. Vnd ze einem waren vrkúnde alles des, so vor geschriben stat, gib ich im disen brief besigelt mit minem eigenne insigel, daz dar an hanget. Der wart geben ze Zúrich des iars, do man zalt von gottes gebúrt drútzehenhundert vnd viertzig iar vnd dar nach in dem fúnften iar, an dem nechsten fritag nach vnserre vrowen tag ze herbste.

Source Fulltext: Chartularium Sangallense VI, Nr. 3951, S. 491.