Significat sanctitati vestre devotus et humilis vester Otto de Rinegge¹ presbyter canonicus Constanciensis ac capellanus illustris domine Agnetis quondam regine Vngarie², quod nuper vacante prepositura ecclesie Zurciacensis³ Constanciensis diocesis per mortem quondam Alberti de Castello⁴ quondam episcopus Constanciensis⁵, ad quem alias ipsius prepositure collacio spectabat, preposituram ipsam eidem Ottoni contulit, cuius collacionis pretextu preposituram ipsam est pacifice assecutus. Verum quia dictus Albertus dum vixit ipsam preposituram cum plurimis beneficiis et dignitatibus tam simplicibus quam curatis insimul annis pluribus absque dispensacione aliqua detinebat, propter quod ipsius prepositure et aliorum beneficiorum disposicio ad sedem apostolicam per constitucionem Execrabilis noscitur pertinere, ex quo conscienciam sibi formans quamvis a nemine de predictis impetatur, humiliter vestre súpplicat sanctitati, quatenus specialem graciam facientes eidem dictam collacionem alias ut premittitur canonice sibi factam dignemini auctoritate predicta ex certa sciencia approbare vel de novo preposituram eandam^a), cuius redditus et proventus LXX Florenorum valorem annuum non excedunt, conferre, cum ipse in suis actibus semper studuerit et studeat mandata apostolica firmiter observare et occasione mandatorum huiusmodi se permiserit interdum extra civitatem Constanciensem banniri et proscribi cum omnibus clausulis et non obstantibus oportunis et executoribus ut in forma^b). Fiat sic quod providemus R. Item quod transeat sine alia lectione. Fiat R.||
Dat. apud Villamnouam⁶ Auinionensis⁷ diocesis II. kl. iulii anno quarto.

Source Fulltext: Chartularium Sangallense VI, Nr. 3934, S. 480.