Allen, die disen gegenwúrtigen brief ansehent alder ho^erent lesen, kúnden wir Růdolf kylcherre ze Roschach¹ vnd Růdolf || kylcherre ze Herisowe² gebrůder hern Eglolfes sún von Roschach³ dez jungern ains ritters vnd veriehin dez offenlich an disem || brief, daz wir von den erberen herren hern Burkarten von Phullendorf⁴ cappelan sant Georyen alter ze Costentz⁵ in v´nser || vrowen múnster vnd hern Hainrichen von Geppingen⁶ cappelan Aller hailigen alter⁷ in dem selben v´nser vrowen múnster enphangen haben drúzehen pfunt pfenninge Costenzer múns, die in v´nsern redelichen nutz komen vnd bekert sint, vnd daz wir inen vnd iren nachkomen willeclich vnd mit gůter vorbetrahtunge haben ze koffent geben reht vnd redelich daz gůt ze Gespraida⁸, daz ob Hugoltzhouen⁹ an dem Otten Berg¹⁰ gelegen ist, vnd swaz darzv^o ho^ert, mit aller êhafti vnd mit allem reht, als ez an v´ns komen vnd braht ist vnd als wir ez gehebt vnd genossen haben her vntz vff disen húttigen tage, also haben och wir inen daz selb gůt vmb die selben pfenninge ze koffent geben fúr reht aigen vnd haben inen och daz selb gůt gefertegot vfgen fúr reht aigen mit allen den worten vnd werken, so darzv^o hort vnd notdúrftig waz nach gewonhait vnd nach reht, vnd haben v´ns dar v´ber verzigen vnd verzihin v´ns an disem brief fúr v´ns vnd alle v´nser erben vnd nachkomen gen den vorgenanten hern Burkarten vnd hern Hainrichen vnd gen allen iren erben vnd nachkomen aller aigenschaft, aller ansprach vnd alles dez rehtes, so wir an dem vorgenanten gůt hatten ald von dekainen dingen iemer gewinnen mo^ehten von dekainer slaht geriht alder reht gaischelichs ald weltlichs, daz selbe gůt wilont Rûten^b) . . der Kuchiner vnd der Lechman, wir vnd vnser erben so^elin och dez selben gůts ir vnd ir erben reht wern sin nach reht fúr reht aigen ane geuerde, vnd haben inen dar vmb mit v´ns vnuerschaidenlich ze wern geben vnd gesetzt Hainrichen Múngin, Cůnraten vnd Hainrichen die Keller von Hugoltzhouen gebrůder, daz die dez gůts mit v´ns vnuerschaidenlich ir vnd ir nachkomen reht wern sin sont fúr reht ledig aigen nach reht ane geuerde, wa ez inen notdúrftig ist. Vnd ze warem vnd offenne vrkúnde vnd sta^eten sicherhait aller dirre dinge geben wir die vorgenanten gebrůder von Roschach v´nserv´ insigel an disen brief, vnder dv´ selben insigel wir Hainrich Múngi vnd Cůnrat vnd Hainrich von Hugoltzhouen v´ns bindin, die selben werschaft ze vollefu^erende, mit disem brief. Der ist ze Costentz geben, do man von Cristes gebúrt zalte drúzehenhundert jar, dar nach in dem sehs vnd vierzegosten jar, an dem nehsten ma^entage nach v´nser vrowen tage ze der liehtmisse.

Source Fulltext: Chartularium Sangallense VI, Nr. 3969, S. 502.