Hermannus dei et apostolice sedis gracia electus et confirmatus in abbatem¹, V^olricus de Enna prepositus et gubernator² in temporalibus generalis totusque conventus monasterii sancti Galli ordinis sancti Bene||dicti Constantiensis dyocesis universis presencium inspectoribus salutem cum noticia subscriptorum. Loca pia, que infirmancium et egrotancium solaciis et neccessitatibus intendunt, propensioribus et maioribus || debent subsidiis et beneficiis onerari^a). Hinc est, quod cum discreti viri V^olricus et Gerwicus dicti Blarer, Johannes dictus Wildrich gubernatores seu provisores et V^olricus dictus Senne procurator hospitalis || infirmorum pauperum oppidi sancti Galli³ nobis humiliter supplicarint, ut nos propter deum et propter subsidium pauperum infirmorum eidem hospitali hanc graciam inpendere dignaremur, quod bona et possessiones, que inferius sub certis nominibus exprimuntur et in quibus discretos viros Gerwicum, Eglolfum et Albertum dictos Blarer germanos, Waltherum dictum Blarer ministrum civitatis sancti Galli⁴, Bolarium et Diethelmum fratres suos et Johannem dictum Wildrich hactenus memoratum hospitale fideles habuerat portitores seu vulgariter trager nuncupatos, posset in antea tamquam sibi directo et utili dominio pertinentes de voluntate nostra expressa et consensu unanimi adhibito licite possidere, nos iuxta iuris sollempnitatem tractatu prehabito diligenti considerantes, quod in eodem hospitali cultus divinus et hospitalitatis exercicium singulis augetur temporibus et quod nos merito propter hec et alia pietatis opera eidem hospitali succurrere debemus, in quantum possumus, et ei manum liberaliorem porrigere cum nostris beneficiis adiutricem, cum in predicto hospitali homines nostri monasterii ad infirmitatis et paupertatis deducti pericula misericorditer et humanissime recreentur, predictorum procuratorum gubernatorum et provisorum iustis ac racionabilibus precibus inclinati, receptis ab eis sedecim marcis argenti ponderis usualis, quas in evidentem utilitatem nostri monasterii fore conversas publice confitemur, in memoratum hospitale de consensu nostro unanimi et expresso pure precipue ac simpliciter propter deum quo ad verum directum et utile dominium bona decimas et possessiones cum omnibus suis iuribus et pertinenciis suis transferimus infra scriptas, videlicet decimam in O^vwenhouen⁵, decimam in Múlibach⁶, decimam in Hittenhůb⁷, curiam in Fru^ewille⁸, possessiones in Rogwille⁹, curiam que dicitur dú Hůb¹⁰, curiam dictam Cůnratzhof¹⁰, curiam dictam Walthershof¹⁰, curiam dictam Schailishůb¹⁰, curiam dictam Twingenstainshůb¹¹, decimam in Erliholtz¹² et decimam in posteriore monte Johannis dicti Fúller¹³, possessionem dictam des Hůtersberg¹³, decimam in Ru^edswille¹⁴ et in Swelbrunnen¹⁵ cum suis attinenciis, que quondam fuerant Hermanni de Huntwille¹⁶, curiam dictam an dem Brande¹⁷, curiam in Mettendorf¹⁸, curiam dictam an der Litun vel Grůnowe prope Alstetten¹⁹ sitam, curiam dictam an der Hůb sitam prope ripam, que dicitur Kriens²⁰, et possessionem in Hardegge²¹, que quondam fuerat Růdolfi dicti Rútiner. Has quidem possessiones, quas prenotati portitores a nostro monasterio tenebant in feodum, ad manus nostras resignatas ab ipsis et omnino liberas resumentes universas et singulas sub prestacione annui census videlicet unius libre cere in festo beati Galli custodi monasterii nostri annis singulis persolvende eidem hospitali, sive feodales fuerint sive proprie, pleno iure concedimus annectimus et donamus libere et quiete sine inpugnacione qualibet in perpetuum possidendas, ita tamen, quod per concessionem donacionem et annexionem huiusmodi nostrum monasterium et ecclesie vel cappelle quecumque serviciis censibus et iuribus eisdem possessionibus inpositis antea deinceps nullatenus defraudentur. Et si predictum hospitale aliquibus hominibus ad fictum vel ad firmum pro tempore vite eorum in perpetuum vel ad tempus ususfructus vel pensionem in predictis bonis constituerint^b) vel vendiderint^b) vel adhuc vendant^b) vel Constituante, per hoc in possessionibus vel bonis predictis nobis nostroque monasterio nullum ius aquiritur nec eidem hospitali quo ad verum vel ad utile dominium eorundem bonorum aliquod preiudicium generatur, sed expleto usufructu possessiones, in quibus constitutus fuerat, ad ipsum hospitale libere revertantur, hoc eciam adiecto, quod predictum hospitale et ipsius provisores, qui pro tempore fuerint, si forte neccessitate vel aliquo casu urgente possessiones et bona predicta vel ex ipsis aliqua alienare contingerit, easdem possessiones et bona aliis personis et hominibus quam nostro monasterio pertinentibus et vulgariter dictis in der gnôssami vendere et alienare non debent nec vendendi vel alienandi aliter aliquam habeant potestatem, renunciantes insuper in huiusmodi concessionis contractu pro nobis nostrisque successoribus universis beneficio restitucionis in integrum omnique auxilio iuris canonici et civilis et generaliter omnibus accionibus, per quas predicta concessio et donacio posset infringi vel aliqualiter infirmari. Et in premissorum omnium testimonium atque robur sigilla nostra duximus presentibus appendenda. Datum et actum in monasterio nostro predicto, anno ab incarnacionis^c) domini millesimo trecentesimo quadragesimo sexto, octavo kalendas maii, indicione quartadecima.

Source Fulltext: Chartularium Sangallense VI, Nr. 3977, S. 508-510.