Hermannus dei et apostolice sedis gracia electus et confirmatus in abbatem¹, V^olricus de Enna prepositus et gubernator² in temperalibus^a) generalis totusque conventus monasterii sancti Galli ordinis || sancti Benedicti Const(anciensis) dyocesis universis presencium inspectoribus salutem cum noticia subscriptorum. Consciencie puritas et religionis integritas nos informat, ut pia et devota loca respiciamus ex debito || et eorum utilitatibus propensius intendamus, in quibus religionis observancia cultusque divinus^b) frequentius exercentur. Hinc est, quod cum devote in Cristo abbatissa totusque conventus monasterii in Ta^ennikon³ || ordinis Cisterciensium nobis humiliter subplicarint, ut nos propter deum et propter divini cultus augmentum eidem cenobio in Ta^ennikon hanc graciam inpendere dignaremur, quod bona et possessiones, que inferius súb certis nominibus exprimuntur et in quibus discretos ac nobiles viros Johannem dictum de Múnchwille scultetum in Wila⁴ et Johannem dictum de Willberg⁵ hactenus memoratum cenobium seu conventus fideles habuerat portitores seu trager vulgariter nuncupatos, posset in antea tamquam sibi directo et utili dominio pertinentes de voluntate nostra expressa et consensu unanimi adhibito licite possidere, nos iuxta iuris sollempnitatem tractatu prehabito diligenti considerantes eiusdem conventus pia ac religiosa opera, que in eo cum desiderio salubriter perpetrantur, eiusdem abbatisse et conventus iustis ac racionabilibus supplicacionibus inclinati receptis ab eis quatuordecim libris denariorum monete Const(anciensis), quas in evidentem utilitatem nostri monasterii fore conversas publice profitemur, in memoratum conventum pure ac simpliciter propter deum quo ad verum directum et utile dominium bona et possessiones transferimus infra scriptas videlicet advocatiam super villam in O^etenhusen⁶ et curiam dictam der Ober kelnhof in O^etenhusen et curiam dictam der Nider kelnhof in O^etenhusen et redditus annuales in O^etenhusen dictos das vngelt et tres solidos annuorum reddituum de schůppůssa in O^etenhusen, que spectat ad ecclesiam beati Nycolai in Bichelnse⁷, et moledinum^a) in Mos⁸ cum omnibus suis iuribus et pertinenciis, has quidem possessiones et redditus annuales, quas prenominati portitores a nostro monasterio tenebant in feodum, ad manus nostras resignatas ab ipsis et omnino libere resumentes universas et singulas sub prestacione annui census videlicet medie libre cere in festo beati Galli custodi nostri monasterii annis singulis persolvende ipsi conventui in Ta^ennikon, sive feodales fuerint sive proprie, pleno iure concedimus annectimus et donamus libere et quiete sine inpugnatione qualibet in perpetuum possidendas, ita tamen, quod per concessionem huiusmodi et annexionem monasterium nostrum et ecclesie seu cappelle quecumque serviciis censibus et iuribus eisdem possessionibus impositis antea nullatenus defraudentur. Et si dictus conventus aliquibus hominibus ad fictum vel ad firmum pro tempore vite eorum in perpetuum vel ad tempus usufructum vel pensionem in predictis bonis constituerit vel vendiderit vel adhuc vendat vel constituat, per hoc in possessionibus vel bonis predictis nobis nostroque monasterio nullum ius aquiritur nec eidem conventui quo ad verum et utile dominium eorundem bonorum aliquod preiudicium gneratur^a), sed expleto usufructu possessiones, in quibus constitutus fuerat, ad ipsum conventum libere revertantur, hoc etiam adiecto, quod predictus conventus, si forte necessitate vel aliquo casu urgente possessiones et bona predicta vel ex ipsis aliqua alienare contingerit, easdem possessiones et bona aliis personis et hominibus quam nostro monasterio pertinentibus et vulgariter dictis in der gnossami vendere et alienare non debent nec vendendi vel alienandi aliter aliquam habeant potestatem, renunciantes insuper in huiusmodi concessionis contractu pro nobis nostrisque súccessoribus universis beneficio restitucionis in integrum omnique iuris auxilio canonici et civilis et generaliter omnibus actionibus, per quas predicta concessio ac donacio posset infringi vel aliqualiter infirmari. In cuius rei evidens testimonium ac pro robore firmitatis perpetue sigilla nostra nostrique conventus presentibus duximus appendenda. Datum et actum in monasterio nostro predicto anno dominice incarnacionis millesimo tricentesimo quadragesimo septimo, kl. marcii, ind. XV^a.

Source Fulltext: Chartularium Sangallense VI, Nr. 4013, S. 537-538.