Significat sanctitati vestre devota creatura vestra Vlricus episcopus Constanciensis¹, quod Ludouicus dictus Veringer de Ruttelingen² in iure canonico peritus vicarius suus dilectus vigore litterarum sanctitatis vestre parrochialem ecclesiam in Steina³ Constanciensis diocesis de mense sept. proximi preteriti, cuius fructus redditus et proventus annui tresdecim marcharum argenti summam secundum taxationem decime non excedunt, extitit alias canonice assecutus et fructus redditus et proventus, quamvis paucos, medio tempore percepit et percipit pacifice et quiete, verum cum dictus Ludouicus eandem ecclesiam vacare dubitet cur(ie) vestre sanctitatis, eo quod dicti Ludouici antecessor quandam aliam parrochialem ecclesiam insimul cum dicta ecclesia in Steina pro tempore^a) tenebat, nec pro certo scire potuerit, si per sedem apostolicam dispensatum fuerit cum eodem, et exinde sibi conscientiam formarit, licet a nemine impetatur. Supplicat idem episcopus iterato, quatenus eidem in personam prefati Ludouici vicarii sui specialem gratiam facientes dignemini provisionem huiusmodi dicto Ludouico de dicta parrochiali ecclesia factam ex certa scientia confirmare seu de novo eidem de ipsa providere cum omnibus clausulis et non obstantibus oportunis et executoribus, non obstante, quod auctoritate sanctitatis vestre, predicte canonicatum ecclesie Zouigensis⁴ Constanciensis diocesis sub expetatione prebende noscitur obtinere. Fiat R.||
. . .||
Dat. Auinione XIIII. kl. octobr. anno sexto.

Source Fulltext: Chartularium Sangallense VI, Nr. 4045, S. 557.