Wir Ludowig von gotes genaden Ro|mischer keiser ze allen zeiten merer des reichs bechennen vnd tůn kunt || offenlich mit disem brief, das wir dem edeln mann^a) graf Albr. von Werdenberg¹ vnserm lieben getrewn vmb sein dienst || versetzt haben fúr vns vnd vnser nachkomen an dem reiche die stat Alsteten² vnd die vogtei in dem Ryntal³ || mit allen den rehten vnd nútzzen, die darzů geho^erent vnd als si das reiche da hat, es sein lút gůt geriht zwing vnd pa^enn an holtz vnd an va^elde, vnd auch alliv div reht, die darzů geho^erent, vnden vnd oben in dem Ryntal vmb fu^emfhundert mark silbers, vnd darzů sein wir im schuldig fúr vnsern sun . . den marggrafen von Brandenburg⁴ hundert mark silbers, also das er vnd sein erben die vorgenant stat Alsteten vnd die vogtey in dem Ryntal mit allen nútzzen vnd gúlten innhaben vnd niezzen súlen ane allermenclichs irrung vnd hindernu^ezz als lange, bis das wir oder vnser nachkomen an dem reiche si von in vmb die vorgenanten sehs hundert mark silbers erledigen vnd erlo^ezen. Vnd dar úber ze vrchúnde geben wir in mit vnserm insigel versigelten disen brief. Der geben ist ze Múnchen, des sampztags vor Erasmi, do man zalt von Kristes gebúrt driuzehenhundert iar vnd in dem siben vnd viertzigstem iare, in dem driv vnd dreizzigstem iare vnsers reichs vnd in dem zweinzigstem des keysertůms.

Source Fulltext: Chartularium Sangallense VI, Nr. 4031, S. 548.