Wir Wenzla etc. embietten dem burgermaister dem rate vnd den burgern gemainlich der statt zu St. Gallen vnsern vnd deß richs lieben getrewen vnser gnad vnd alles guot. Lieben getreuen, wann ir vns dem rich vnd dem gozhuß zu sant Gallen vnsere recht verschwigen habt vnd vns vnd demselben gotshuß den schaden, den wir von solichem schwigen empfangen haben, nicht abgelegt habt, darumb so gebietten wir üch ernstlich vnd vesticlich bi vnsern vnd deß richs hulden, dz ir fúrbaß dhain vrtail v´ber deß gotshuses lehen zu St. Gallen sprechen sollet oder mo^eget in dhain wiß dann mit lob^a) deß erwirdigen Chuonen deß abbts doselbst zu sant Gallen¹ vnsers lieben fúrsten vnd andechtigen, von welcherlai freiheit ir dz tetet oder getuon mo^echtet, in dhain wiß, es sig dann, dz vnß dem rich vnd dem egenanten gotshus solch verschwigen recht abgelegt wurden. Wonn sprechend ir dorúber dhain vrtail, die sollen kein crafft noh macht haben vnd niemants schaden bringen mo^egen ymer in dhain ziten. Dat. M.CCC.LXXXII.

Source Fulltext: Chartularium Sangallense X, Nr. 5940, S. 112.