Ich^a) Cůnrat Metzger burger ze Merspurg¹ vergich offenlich mit disem || brief aller ma^englich, dz ich reht vnd redlich ze koffen geben han den ersa||men gaistlichen fro^wwen a^ebbtischinen vnd conuent ze Magunôw² fúr || mich vnd min erben minen wingarten an des obgeschriben conuentes garten gelegen vmb vierczehen phunt Costentzer phenning, der ich o^vch gar von in gewerot bin, vnd han^b) inen den garten in dem rehte geben, daz nit me ia^erlichs zins da von gat danne sehs phenning an das lieht der kilchen ze Merspurg. Ich vnd min erben súllun o^vch dises koffes reht wer sin gen allerma^englich, wa vnd an welen stetten si des notturftig sint nach so^elicher gu^eter reht. Vnd des ze vrkúnd han ich gebetten den ersamen Bertholten von Ramspach³ statamman ze Merspurg, dz^c) der sin aygen insigel gehenket hat an disem brief ze zv´gnust aller vorgeschribner ding. Der geben ist nach Cristi geburt drúczehen hundert vnd drú vnd ahtzig jar an sant Siluesters abent.

Source Fulltext: Chartularium Sangallense X, Nr. 5939, S. 111-112.