Heinricus dei gracia episcopus Constan(tiensis)¹ decano decanatus in Lindo^vw necnon rectori ecclesie sancti Stepfani Lindaugen(sis)² singulisque confratribus decanatus predicti ceterisque, ad quos presentes pervenerint, salutem in domino. Comparuerunt coram nobis in oppido nostro Cligno^vw³ discreti Johannes Wildrich rector ecclesie parrochialis in Herisow⁴ procurator et procuratorio nomine discreti viri V^olrici Nekker rectoris ecclesie parrochialis in Wasserburg⁵ nostre dyocesis ex una et Johannes Coci prebendarius altaris sive cappelle sancti Johannis Baptiste⁶ infra muros oppidi sancti Galli dicte nostre dyocesis situati ex parte altera. Proposuerunt et asseruerunt, quomodo et qualiter ipsi ex causis rationabilibus eadem sua beneficia ad invicem permutare desiderarent, quia uterque eorum beneficio alterius magis preesse et prodesse posset, quodque etiam pro huiusmodi permutacione inter eos facienda litteras super adhibitione consensus sigillis veris sub integris caracteribus, prout prima facie apparuit, horum quorum interest sigillatas coram nobis in medium produxerunt videlicet Johannes Wildrich quo supra nomine consensum venerabilis in Christo patris domini Cůnonis abbatis monasterii sancti Galli⁷ ordinis sancti Benedicti predicte nostre dyocesis sedi appostolice immediate subiecti, ad quem ius presentandi rectorem ad eandem ecclesiam cum vacat spectaret, dictus vero Johannes Coci consensum religiosi viri fratris Nicolai de V^otzingen custodis et portenarii monasterii sancti Galli⁸ pretacti, ad quem ius presentandi prebendarium ad predictum altare dum vacat etiam dinoscitur pertinere. Quibus quidem litteris coram nobis ut sic productis prefati Johannes Wildrich et Johannes Coci nobis humiliter supplicarunt, quatenus ad huiusmodi permutationem consensum nostrum ordinarium adhibere eamque canonice perficere dignaremur. Post quam quidem petitionem nos ab ipsis Johanne Wildrich procuratore et procuratorio nomine quo supra necnon Johanne Coci et ab utroque ipsorum resignationem dictorum beneficiorum ad manus nostras animo permutandi dumtaxat sponte factam, ut dicebant, recepimus ac etiam promissionem sollempnem, quod huiusmodi permutationi nulla labes intervenerit symoniace pravitatis. Unde nos prehabita informatione de meritis huiusmodi permutationis consensum nostrum ordinarium expressum dicte permutationi adhibuimus ac presentibus adhibemus necnon Johannem Wildrich quo supra nomine de dicta ecclesia in Wasserburg ad prebendam altaris cappelle sancti Johannis pretacti, ipsum vero Johannem Coci a dicta sua prebenda ad predictam ecclesiam in Wasserburg autoritate nostra ordinaria transtulimus et utrumque ipsorum de benefico, ad quod ipsum transtulimus, investivimus necnon autoritate nostra ordinaria predicta tenore presentium investimus, mandantes vobis omnibus et singulis predictis in virtute sanete obedientie et sub excommunicationis pena canonica monitione trium dierum premissa, quatenus utrumque permutantium predictorum vel eorum procuratores in possessionem beneficii sui iurium et pertinentiarum ipsius per vos vel alium ducatis corporalem facientes eisdem et cuilibet ipsorum de fructibus et redditibus dictorum beneficiorum a decimatoribus censuariis et reddituariis integraliter responderi, ipsosque recipiatis seu a vestris confratribus recipi faciatis in confratres. In cuius rei testimonium presentes litteras per discretum Heinricum Spiess publicum imperiali autoritate notarium scribamque nostrum iuratum scribi ac publicari mandavimus sigillique nostri episcopalis appensione unâ cum signi sui soliti et consueti appositione fecimus communire. Acta sunt hec in Castro nostro Clingeno^vw anno domini M^mo CCC^mo LXXX tertio, XVII^a die mensis novembris, hora vesperarum vel quasi, indictione sexta, presentibus honorabilibus et peritis viris V^olrico decano ecclesie sancte Verene Zurziacensis⁹, Cůnrado Talakrer rectore ecclesie parrochialis in Muneluingen¹⁰ necnon magistro Swedero physico et secretario nostro testibus ad premissa vocatis pariter et rogatis. Et ego Heinricus Mathei alias Spiess de V´berlingen¹¹ clericus Const(antiensis) dyocesis publicus imperiali auetoritate notarius predictique domini Heinrici episcopi Const(antiensis) scriba iuratus, quia partium predictarum comparitioni litterarum productioni beneficiorum, de quibus premittitur, resignationi ac eorundem translationi omnibusque aliis et singulis premissis, dum sic ut premittitur agerentur et fierent unâ cum prenominatis testibus presens interfui eaque sic fieri vidi ac audivi, idcirco presentem litteram manu mea propria conscriptam ad mandatum pretacti domini mei episcopi in hanc publicam formam redegi signique mei soliti et consueti appositione una cum ipsius domini episcopi sigilli episcopalis appensione communivi in testimonium omnium premissorum.

Source Fulltext: Chartularium Sangallense X, Nr. 5982, S. 155-156.