Wir Lúpolt von gots gnaden hertzog ze O^esterrich ze Sty^r ze Kernden vnd ze Kram || graf ze Tyrol¹ etc. tůn kunt, daz vns die erbern vnd wisen vnser besunder lieben || der purgermaister vnd der rat ze sand Gallen ditz gegenwúrtigen vier vnd achtzigsten || jars gentzlich gericht vnd bezalt habent der stúr, so si vns von des richs wegen vnd als einem des rychs lantuogt von derselben irr statt ierklich ze raichen phlichtig sind nach vnser brief sag, die wir von dem durchlúchtigen fúrsten vnserm lieben herren vnd o^eheim dem Ro^emischen kúng darvmb haben, vnd die geuallen ist an die losung der sêtz Oberndorf² vnd Scho^enberg³. Dauon sagen wir fúr vns vnd vnser erben die egenanten den purgermaister den rat vnd die statt ze sand Gallen der vorgenanten stúwr von dem obgenanten viervndachtzigisten jar gentzlich quit ledig vnd los an geuerd. Mit vrkúnt ditz briefs. Geben ze Rotwil⁴ an mitichen vor sand Verenen tag nach Christs gebúrt drútzehenhundert jar, darnach in dem vier vnd achtzigistem jare.

Source Fulltext: Chartularium Sangallense X, Nr. 6036, S. 207-208.