Wir die von Regenspurg ain frye stat vnd ouch wir des hailigen Ro^emischen richs stette Augspurg, Vlme, Kostentz, Esslingen¹, Rútlingen², Rotwile³, Wile⁴, V´ber||lingen⁵, Memmingen⁶, Bibrach⁷, Rauenspurg⁸, Lindow⁹, sant Gallen, Pfullendorff¹⁰, Kemptun¹¹, Kouffbúrren¹², Lútkirch¹³, Isny¹⁴, Wangen¹⁵, No^erdlingen¹⁶, Rotenburg vff der Tuber¹⁷, Dinkel||spúhel¹⁸, Windshain¹⁹, Wissenburg²⁰, Halle²¹, Hailprunnen²², Gemúnde²³, Wimpfen²⁴, Winsperg²⁵, Giengen²⁶, Aulun²⁷, Bopphingen²⁸, Wile in Turgow^e29, Bůchorn³⁰ vnd Bůchow³¹ etc., die den || bund mitainander haltend in Swaben, bekennen vns offenlich mit disem brief vnd tu^egen kunt allen den, die in ansehent oder ho^erent lesen, als der hochwirdig fúrst vnd herre herr Ymer von Ramstain³² von gotes genaden bischof des bistums ze Basel mit dem cappitel vnd ouch mit dem gestifte ze Basel vnd ouch die fúrsichtigen vnd wisen herr Johans Puliant von Epptingen³³ ritter der meister vnd der ra^vte vnd ouch die burger gemainlich rich vnd arme der stat ze Basel zů vns in vnsern punt komen sind vnd den mit vns gesworen hant ze halten ze laisten vnd ouch ze vollefu^eren nach vnsers bund briefs lut vnd sag ze gelicher wise vnd in allem dem rechten, als ouch wir den gemachet vnd verschriben haben, a^vne alle geuerde etc., darumbe so haben wir jetzo mit gůtem willen vnd mit wolbedachtem sinne vnd můt den vorgenanten vnserm herren dem bischof dem cappitel vnd gestifte ze Basel vnd ouch den vorgenanten dem meister dem ra^vte vnd allen burgern gemainlich der stat ze Basel das jetzo gelopt versprochen vnd verhaissen geloben vnd versprechen ouch in ietzo mit rechter wissent vnd mit krafft ditz briefs bi vnsern gůten trúwen vnd vff die aide, die wir in vnserm bund gelopt vnd gesworen haben, das wir in gemainlich vnd besunder getrúwelich súllen vnd wellen bera^vten vnd beholffen sin nach vnsers bundbrieffs lut vnd sag ze gelicher wise vnd in allem dem rechten, als ob si den selben bund mit vns angefangen vnd gemachet hetten vnd als ob si mit na^emlichen worten bi vns in dem selben vnserm bundbrief begriffen vnd verschriben weren, a^vne alle geuerde. Mit vrkúnd ditz briefs, den wir in darumbe besigelten geben mit der vorgenanten vier stette Augspurg, Vlme, Costentz vnd Esslingen gemainen aygnen vnd angehenkten insigeln, die selben vier stette ouch das von vnser aller haissentz wegen geta^vn vnd iriv insigel offenlich an disen brief gehenkt hant. Der geben ist des nechsten dornstags nach dem hailigen pfingstag, do man zalt nach Cristz gebúrt drivzehen hundert jar vnd darnach in dem vier vndachtzigostem jaure.

Source Fulltext: Chartularium Sangallense X, Nr. 6016, S. 192-193.