Allen^a) den, die disen brief ansehent lesent oder ho^erent lesen, tůn ich V^olrich Kupfersmid genant Wirri schulthaizz ze Wil¹ kund vnd vergich offenlich mit^b) || disem brief, daz der erber knecht V^olrich Schnetzer waibel ze Wil an miner statt von mines haissens wegen mit vollem gewalt offenlich ze gericht || sazz ze Wil in der obgenanten statt an dem naechsten zinstag nach v´nser frowen tag ze der liechtmizz, vnd kam da fúr in in offen gericht der from Růdolf || Rugg von Tanneg² sesshaft ze Griessenberg³ mit dem erbern man Eberlin vnder den Bomen burger ze Liechtenstaig⁴, vnd offnot vnd veriach da derselb Růdolf Rugg mit sinem fúrsprechen vnd sprach, daz er mit gůter vorbetrachtung vnd beschaidenhait von siner redlichen not vnd kumberhafti wegen fúr sich vnd fúr all sin erben redlich vnd recht verkoft hetti den hof genempt A^erwile⁵, der gelegen ist bi Griessenberg zwischan Wulfikon⁶ vnd Ochsenhart⁷, mit hus vnd hof mit akkern mit wisan mit wunn mit waiden mit wasen mit zwie mit vssga^egen^c) mit inga^engen mit wasserflússen mit rúnsen mit^d) stegen mit bruggen mit wegen mit grund vnd mit gra^vt vnd mit allen rechten nútzen vnd gewonhaiten vnd mit allem dem, so von recht ald von gewonhait dar zů ald dar in iendert geho^ert, es sie benempt ald vnbenempt, der sin recht ledig aigen wa^eri, vnd hetti denselben hof ze koffent geben dem vorgenanten Eberlin vndern Bomen, Adelhaiten siner elichen wirtennen vnd Johansen vndern Bomen sinem elichen brůder vnd allen iren erben vmb drissig vnd vier pfund pfening gůter vnd genemer Costentzer múns, derselben pfenning er och gantzlich vnd gar von inan bezalt wa^eri an den stetten, da er sinen fromen mit geschaffot hetti, vnd wo^elti inan och denselben hof mit allen vorgeschribnen rechten vnd zůgeho^erden vfgeben vertgon vnd zů iren handen bringen, alz recht wa^eri, vnd batt im den obgenanten richter an ainer vrtail ervarn, wie er daz tůn so^elti, daz es kraft hetti nu vnd hernach, vnd do wart nach des vorgenanten richters frag mit gemainer vrtail ertailt, daz der vorgenant Růdolf Rugg daz mit siner hand mit gelerten worten an des gerichtes stab tůn so^elt vnd daz es dann wol kraft hetti nach dem rechten nu vnd hienach. Daz tet och er vnd gab do ze stett der vorgenant Růdolf Rugg den vorgeschribnen hof A^erwile mit allen rechten vnd zůgeho^erden den vorgenanten Eberlin vnderm Bomen, Adelhaiten siner elichen frowen, Johansen sinem brůder vnd iren erben mit siner hand mit gelerten worten ledklich vnd frilich vf an des gerichtes stab zů iren vnd zů iro erben handen, alz vormals da ertailt waz, vnd verzech sich do ze stett der vorgenant Růdolf Rugg mit demselben sinem fúrsprechen offenlich vor gericht vnd verzieht sich och wissenklich mit disem brief fúr sich vnd fúr alle sin erben vnd nachkomen gen den vorgenanten Eberlin vnd Johansen vndern Bornen vnd gen der obgenanten Adelhaiten vnd gen allen iren erben aller aigenschaft aller lehenschaft aller gewer aller kuntschaft aller zúgnúst lút vnd brief aller besatzung alles rechten gaistlichs vnd weltlichs gerichtes aller vordrung vnd ansprach, so er ald sin vordem zů dem vorgenanten hof mit aller zůgeho^erd ie gehatten ald er ald sin erben hernach iemer geha^vn gewinnen ald erwerben mo^echten von recht ald von gewonhait ald von dehainen andren sachen. Der vorgenant Růdolf Rugg lobt och do offenlich vor gericht fúr sich vnd fúr alle sin erben vnd lobet och mit disem brief, des vorgenanten hofes mit allen vorgedachten rechten nútzen gewonhaiten vnd mit aller zůgeho^erd fúr recht ledig aigen vnd des koffes recht wern ze sint gen menglichem vf gaistlichem vnd vf weltlichem gericht nah aigens vnd nach des landes recht sitt vnd gewonhait, wenn sin die obgenanten Eberli vndern Bomen, Adelhait sin elichi wirtenn, Johans sin elicher brůder ald iro erben bedurfent ald dar vmb mit dem rechten vf getriben ald angesprochen werdent, luterlich a^vn geua^erd. Vnd des alles ze offem vrkund der warhait, wann dann dis alles so redlich vor dem obgenanten richter, der an miner statt ze gericht sazz, mit gericht vnd mit vrtail beschehen ist, so gib ich V^olrich Kupfersmid schulthaizz da obgenant den vorgenanten Eberlin, Adelhaiten vnd Johansen vndern Bomen von des ietzgenempten Eberlis vordrung wegen disen brief mit minem insigel von des gerichtes wegen versigelt, darnach vergich ich Růdolf Rugg da obgenant ain gantz warhait aller vorgeschribnen ding, vnd ze merer sicherhait derselben ding so han ich och min insigel offenlich gehenkt an disen brief. Der geben ist mit rechter vrtail ze Wil in der statt an dem obgeschribnen tag, do man zalt von Cristus gebúrt drúzehenhundert vnd ahtzig jar, darnach in dem fúnften jar.

Source Fulltext: Chartularium Sangallense X, Nr. 6055, S. 226-228.