Ich^a) Hainrich herr ze Hewen¹ vergich vnd tůn kunt offenlich mit disem brief allen den, die in ansehent lesent oder || ho^erent lesen, daz fúr mich kam hút dis tages, alz diser brief geben ist, der erber kneht Cu^entzli Dahinnan von || Nidren Stetten² vnd veriach offenlich vor mir vnd sprach, daz er von siner kumberhafti vnd redlichen not wegen in||genomen vnd enpfangen hetti von dem erberen man Johansen dem Bischof von Vtzwile³ burger ze Wil⁴ fúnfzehen pfund pfenning gůter vnd genemer Costentzer múns, dero er och von im gantzlichen bezalt wa^eri an den stetten, da er sinen fromen mit geschaffot hetti, vnd vmb dieselben pfenning hetti er im vnd allen sinen erben mit gůter vorbetrahtung vnd beschaidenhait fúr sich vnd fúr alle sin erben redlich vnd recht ze koffent geben drie mut kernen alles gůtes vnd genemes Wiler messes ia^erliches sta^etes vnd ewiges vssga^endes geltes vnd zinses ab vnd vsser disen nachgeschribnen gu^etern, des ersten vsser dem gůt ze Nidren Stetten gelegen, daz man nempt Cu^entzlis gůt Dahinnan, mit hus hof hofraitin vnd mit aller zůgeho^erd, vnd vsser sinem halbtail des gůtes och ze Nidren Stetten gelegen, daz man nempt Schúwings gůt, mit aller zůgeho^erd vnd vor vzz vnd vor ab vor aller menglichem von vnd vsser allen rechten nútzen zinsen gewonhaiten vnd zůgeho^erden derselben gu^eter, dieselben gu^eter sin recht vogtbar aigen wa^eren vnd v´ber die ich och vogt vnd herr wa^eri, vnd wa^eri derselb kof beschehen vnd volfu^ert mit so^elicher beschaidenhait gedingd vnd in dem rechten, alz hie nach verschriben sta^vt, vnd doch mir minen erben vnd minen nachkomnen an v´nsren rechten vnd gůten gewonhaiten vnscha^edlich, also daz derselb Cu^entzli Dahinnan vnd alle sin erben vnd alle die, in der hand vnd gewalt dieselben gu^eter iemer kument buwent niessent ald inneha^vnt, dem vorgenanten Johansen Bischofen ald sinen erben die vorgedahten drie mút kernen ietz ze dem naechsten sant Martis tag, der schierost kumpt nach dem tag, alz diser brief geben ist, vnd dannan hin ia^erklich ie ze sant Martis tag vnuerzogenlich gantzlich vor vzz vnd vor ab von allen rechten nútzen zinsen vnd zůgeho^erden vnd vor aller menglich an allen abgang vnd mindrung ab vnd vsser den vorgenanten gu^etern a^vn allen iren schaden richten vnd weren vnd inan daz nach des landes sitten vnd gewonhait antwúrten sont war si went vngeuarlich, vnd bescha^ech, daz derselb Cu^entzli Dahinnan ald sin erben ald der, der dann die gu^eter inne hett, dehaines iares den obgenanten kernen von den vorgenanten gu^etern gantzlichen nit wertent, alz vor beschaiden ist, vnd sich daz so lang verzugi, vntz daz ain zins den andern erluffi, so hett dann darnach der vorgenant Johans Bischof ald sin erben vollen gewalt vnd gantzes recht, die obgedahten gu^eter mit allen zůgeho^erden ze niessent ze besetzent vnd ze entsetzent, wie si went, alz vil alz dik vnd alz lang, vntz daz si ie alz dik daz bescha^ech ires versessnen zinses von vnd vsser denselben gu^etern gantzlich vnd gar an allen iren schaden gewert vnd bezalt werdent. Vnd batt mich derselb Cu^entzli Dahinnan, daz ich im des gunnen vnd minen willen dar zů geben welt, dar vmb erhort ich sin bett vnd gab do zestett vnd gib och wissentlich mit disem brief minen gůten willen vnd gunst zů disem vorgedahten kof in aller der wis gedingd vnd rechten, alz hie obgeschriben statt. Der vorgenant Cu^entzli Dahinnan lobet och do vor mir fúr sich vnd fúr alle sin erben, des vorgenanten Johansen Bischofs vnd siner erben des vorgenanten kernen geltes vnd des koffes recht wem ze sint gen menglichem nach dem rechten vf gaistlichem vnd vf weltlichem geriht, wenn wa ald wie dik sin der vorgenant Johans Bischof ald sin erben bedurfent vnd noturftig sint ald darvmb mit dem rechten vfgetriben ald angesprochen werdent, daz sú si dar vmb verstan vnd versprechen sont vnd a^vn iren schaden von der ansprach entrihen vnd ledig machen sont vngeuarlich. Vnd dez alles ze offem vrkv´nd der warhait so ha^vn ich Hainrich herr ze Hewen da obgenant min insigel offenlich gehenkt an disen brief. Der geben ist an dem na^echsten mentag nach dem zwelften tag ze wihenna^ehten, do man zalt von Cristus gebúrt drúzehenhundert vnd ahtzig iar, dar nach in dem fúnften jar.

Source Fulltext: Chartularium Sangallense X, Nr. 6050, S. 222-223.