Wir Wenczlaw von gots gnaden Romischer kung zu allen zeiten merer des reichs vnd kung zu Behem em||bieten den . . burgermeistern reten vnd gemeinden der stette Costencz, Auspurg, Nuremberg, Vlme, Esslingen, || Rutlingen, Wil, Vierlingen, Memyngen, Bibrach, Rauenspurg, Lindow, sante Gallen, Pfulendorff, Mulhusen, || Kempten, Kauffburen, Lutkirchen, Isenen, Wangen, Nordelingen, Rotemburg vff der Tawber, Gmůnde, Halle, Hailprun, Dinkelspuel, Windesheim, Weissemburg, Wimphen, Winsperg, Giengen, Alen, Bopfingen, Wil im Turgow, Buchhorn vnd Buchow vnsern vnd des reichs lieben getrewen vnser gnade vnd alles gut. Lieben getrewen, wir haben dem erwirdigen Niclausen bischoffen zu Costencz¹ vnd den edeln Johansen lantgraffen vom Leutemberge vnd Heinrichen von der Duben vnsern reten lieben andechtigen vnd getrewen bescheiden, vffczuheben drey tusent gulden von solichen vierczig tusent gulden, als ir vns von der juden wegen yeczunt zugeben pflichtig seit, douon so heissen vnd gebieten wir euch ernstlich mit diesem brieff, das ir den vorgenanten vnsern reten oder wenn sie von iren wegen darzu schicken werdent drey tusent gulden von der egenanten summen genczlich richten vnd beczalen sullent, wann so ir das getan habt, so sagen wir euch derselben drey tusent gulden an der egenanten summen der vierczigtusent guldener^a) genczlichen vnd gar quit ledig vnd loze. Mit vrkund dicz briues versigelt mit vnserm anhangenden ingesigel. Geben zum Burgelins nach Cristus geburte dreyczehenhundert jar, darnach in dem fumffvndachczigstem jare, des mantags nach sante Margareten tag, vnser reiche des Behemischen in dem dreivndczwenczigsten vnd des Romischen in dem czehenden jaren.

Source Fulltext: Chartularium Sangallense X, Nr. 6099, S. 289.