Wir Wentzla etc. enbieten dem burgermaister dem ra^vt vnd den burgern gemainlich der statt zů sant Gallen vnsern vnd des richs lieben getrúwen vnser g(nad) vnd alles gůt. Lieben getrúwen, wann ir vns vnd dem rich vnd dem gotzhus zů sant Gallen vnsere recht verswigen habt vnd vns vnd dem selben gotzhus den schaden, den wir von solhen swigen empfanngen haben, nicht abgelegt habt, darumb so gebieten wir úch ernstlich vnd vesticlich by vnsern vnd des richs hulden, das ir fúrbaß dhain vrtail v´ber das gotzhus lehen zu s. Gallen sprechen sollent oder mugent in dhain wis dann mit lob des erwirdigen Chůnen des abbts daselbst zů sant Gallen¹ vnsers lieben fúrsten vnd anda^echtigen, von welherlay frihait ir das tetet oder getůn mo^echte in dhain wis, es syg dann, das vns dem rich vnd dem egenanten gotzhus selb verswigne recht abgelegt worden, wenn sprechend ir darúber kein vrtail, die so^ellen kain krafft noch macht haben vnd niemant schaden bringen mo^egen yemer in dhain ziten.

Source Fulltext: Chartularium Sangallense X, Nr. 6162, S. 360-361.