Ich^a) Hainrich herr ze Hewen¹ vnd frow Clement von Tokkenburg² geborn sin elichi wirtenn veriehen vnd tůnt kunt aller||menglichem mit disem brief fúr v´ns vnd fúr alle v´nser erben, als Johans Blúwel ab dem Immenberg³, der von dem || lib v´nser aigen ist, zů der e genomen ha^vt die erbern frowen Elsbethen Hainrichs Akkermans sa^elgen von Hagen||bůch⁴ elichen tohter, dieselb frow dem hus ze Tobel⁵ mit aigenschaft des libes zů geho^eret, vnd v´ns der erwirdig brůder V^olrich von Tettingen comentúr desselben hus ze Tobel⁶ sant Johans ordens des spitals von Jherusalem die gnad geta^vn vnd daz recht geben vnd verlihen ha^vt, was kint die vorgenant Elsbetha des huses ze Tobel aignú frow iemer gewinnet vnd gebiert bi dem vorgenanten Johansen Blúwel v´nserm aignen man irem elichen man, daz dieselben kint halbi mit aigenschaft des libes v´ns vnd v´nsren erben zů geho^eren sont. Da bekennen och wir wissentklich mit disem brief fúr v´ns vnd fúr alle v´nser erben vnd nachkomen, daz die obgenant Elsbetha Akkerma^ennin gantzlich vnd gar mit aller aigenschaft des libes vnd die kint, die si ietzo bi dem obgenanten Johansen Blúwel irem elichen man ha^vt ald hernach iemermer gewinnet, halbi mit aigenschaft des libes dem obgenanten hus ze Tobel nu vnd hernach zůgeho^erent vnd des aigen sint vnd sin sont gantzlich a^vn v´nser vnd a^vn aller v´nser erben^b) vnd nachkomen sumen ierren vnd widerred. Vnd bescha^ech, daz der obgenant Johans Blúwel vor der obgenanten Elsbethen siner elichen wirtenn von todes wegen abgieng, so so^ellen wir noch v´nser erben noch nachkomen noch nieman andra von v´nsren wegen dar nach mit der selben frowen noch mit den kinden, die si dar nach bi ainem andern man gewinnet, noch dar zů nútz zesprechent noch ze tu^ent ha^vn in dehain wis noch weg a^vn geva^erd. Vnd des alles ze offem vrkúnd der warhait so haben wir obgenanten Hainrich herr ze Hewen vnd frow Clement sin elichi wirtenn v´nsrú insigel offenlich gehenkt an disen brief. Der geben ist an sant Gregorien des hailgen bapsts tag, do man zalt von Cristus gebúrt drúzehenhundert vnd ahtzig jar, dar nach in dem sehsten jar.

Source Fulltext: Chartularium Sangallense X, Nr. 6129, S. 320-321.