Allen^a) den, die disen brief ansehent lesent oder ho^erent lesen, tůn ich Hainrich Boxsperg amptman der erwir||digen gaistlichen frowen [in gott] frow [Vrsula von gottes verhengde a^eptissin vnd gemaines conuents] des gotz||hus ze Magnow¹ des ordens [von] Zytel in Costentzer bistům kund vnd vergich [offennlich] mit disem brief, dz ich an || der selben miner frowen statt [mit] vollem gewalt offenlich ze gericht sazz ze [Maggenow vor] dem closter an dem na^echsten mentag vor sant [Vrban]s tag, vnd kam da fúr mich in [offenn verbannen jargericht die] vorgenant frow [Vrsula] min gna^edige frow vnd offnot mit irem fúrsprechen vnd klegt [von ires obgenanten] gotzhus wegen vnd [sprach], daz ain weg gan [so^elti] vnd o^vch von alter her dan gangen [wa^ere ze Wolffertschwyl² v´ber ain wyß, die man nempt die Nider] Trutt[wyß, den selben weg sy vnd ir vordern je vnd je geuarn wa^erint vnd] in von ir gotzhus [wegen vnanspra^echig genutzet hetten] als ander weg, die [dar vmb ir closter gelegen sind], vnd an dem selben [weg sumpti vnd jiertti man aber nu sy vnd ir gotzhuß vnd besunnder die von Wolffertschwyl wider dem] rechten, vnd [getrúweti gott] vnd dem rechten, daz man si vnd die iren [fúrbaß] an dem [selben weg nit] sumen noch ierren [so^elti, vnd batt mich an ainer vrtail eruarn, was recht dar vmb wa^ere, vnd do ward nach] miner frag mit gemainer vrtail [ertailt, das si warten so^elti alle die wile ich ze gericht sa^esse, vnd ka^eme] der wil nieman, der daz verspra^echi, daz si dann [den selben weg wol vfftůn vnd vff brechen so^elti vnd den] varn bruchen vnd nutzen [so^elti on aller mengklichs sumen jerren vnd wider red als ouch ander weg, vntz ir vnd dem] obgenanten gotzhus daz mit [dem rechten anbehept vnd wider tailt wurdi, vnd also wartett ouch die selb frow] Vrsulla a^ebtissenn min [gnedige frow], alle die wil ich ze gericht sazz, alz ir [ertailt waz], vnd kam [nieman] der wile, der daz verspra^echi noch verantwurti. Vnd dez allez ze offner zúgnust der warhait so gib ich [obgenanter] richter dem obgenanten gotzhus ze Magno^vw von vordrung wegen der vorgenanten frow Vrsullen a^ebtissennen disen brief mit minem insigel von des gerichtes wegen versigelt. Der geben ist mit rechter vrtail an dem obgeschribnen tag, do man zalt von Cristes gebúrt drúzehenhundert vnd ahtzig jar, dar nach in dem sehsten jare.

Source Fulltext: Chartularium Sangallense X, Nr. 6143, S. 334-335.