Allen^a) den, die disen brief ansehen oder ho^erent lesen, kúnd ich Heinrich in der Hab von Meylan¹ vndervogt || miner gnedigen herren des probst vnd der korherren der stift ze Zúrich², das fúr mich kam gen Meylan || an den stad, do ich do ze mal offenlich ze gericht sas, her Heinrich Kolb kappellan sant Lanrencien altars || ze Rappreswilr³ mit siner gewissen botschaft vnd offent da mit gůter kuntschaft vnd briefen, das ein juchart reben gelegen ze Meylan, die man nemt das Jung gůt, gelegen an der gebreiten, vnd ein halb juchart reben, die man nemt Vor der Wisan, o^vch ze Meylan gelegen, werent geben vnd verschaffen luterlich durch got an den vorgenanten altar jerlich ze zinsen einem kapplan des ietz geseiten altars, als der ho^vbt brief⁴ bewiset, der har vmb geben ist vnd jetz der vorgenant her Heinrich inne hat, vff dis vorgeseiten reben klagt vnd ansprechig hette vor mir in gericht Růdolf Kilchmatter von Zúrich von geltschuld vnd ansprach wegen, so er hat an Johansen vnd^b) Růtzschman Langenharten gebrůder⁵, do dise kuntschaft vnd bewisung verhort der selb Kilchmatter vor gericht, do liess er die selben gu^eter lidig gentzlich vnd gar^c), so er von der selben ansprach har zů hat, vnd wart vor mir in gericht bekent, das der selb vorgenant her Heinrich Kolb die selben reben besetzen vnd entzetzen sol vnd mag mit bu vnd mit ander zů geho^erd, als es ime vnd dem altar n[ut]zlich^d) vnd erlich s[ie]^d). Hie bi waren gezúgen Hans Růff von Herdiberg⁶, V^olrich Weber, Heinrich Snider, Hans Has alle von Meylan vnd ander erber lúten vil. Har vmb won dis o^vch vor mir in gericht geschehen ist, so han ich der vorgenant Heinrich in der Hab min eigen ingesigel getrukt ze ende dirre geschrift zů einem waren offen vrkúnde aller vorgeschriben dingen mir vnd minen erben vnschedlich. Dis geschach vnd wart dirre brief geben ze Meylan, do man zalt von gotz gebúrt drúzechen hundert achzig vnd siben jar, dar nach an dem nehsten mentag nach dem palmtag.

Source Fulltext: Chartularium Sangallense X, Nr. 6177, S. 376-377.