Urbanus^b) episcopus servus servorum dei dilecto filio . . abbati monasterii in Salem¹ Constantiensis || diocesis salutem et apostolicam benedictionem. Sua nobis dilecti filii Burkardus abbas et conventus monasterii Ma||risceile alias Wettyngen² Cisterciensis ordinis Constantiensis diocesis petitione monstrarunt, quod . . abba||tissa et conventus monasterii in Wurmspach³ eiusdem ordinis dicte diocesis dicto monasterio Mariscelle inmediate subiecte obedientiam et reverentiam sibi debitas contra iusticiam denegant exhibere. Quocirca discretioni tue per apostolica scripta mandamus, quatinus vocatis qui fuerint evocandi et auditis hincinde propositis quod iustum fuerit appellatione remota decernas faciens quod decreveris per censuram ecclesiasticam firmiter observari. Non obstante, si eidem ordini a sede apostolica sit indultum, quod persone ipsius ordinis et membrorum eius ad iudicium trahi suspendi vel excommunicari seu ipse aut dicti ordinis loca interdici non possint per litteras apostolicas non facientes plenam et expressam ac de verbum^c) ad verbum de indulto huiusmodi mentionem et qualibet alia dicte sedis indulgentia generali vel speciali, cuiuscunque tenoris existat, per quam presentibus non expressam vel totaliter non insertam tue iurisdictionis explicatio in hac parte valeat quomodolibet impediri que quo ad hoc ipsis nolumus aliqualiter suffragari. Dat. Luce III non. maii, pontificatus nostri anno decimo.

Source Fulltext: Chartularium Sangallense X, Nr. 6182, S. 383.