Wir^a) Cůn von gotes genâden vnd dez stůles ze Ro^vm besta^eter abt dez gotzhûs ze sant Gallen¹ sant Benedicten ordens in Costentzer bystům gelegen, daz ân alles mittel zůgeho^ert dem stůl ze Ro^vm, tu^egint || kunt vnd veriehent offenlich mit disem brieue allen den, die in sehent lesent oder ho^erent lesen, daz fúr vns kâment ze Rûmmashorn² an dem tag, als dirre brief geben ist, diz nâchgenempten fromen vesten || lúte her V^olrich von A^emptz³ ritter an ainem tail vnd Eglolf von Rosenberg Eglolfs sa^eligen von Rosenberg⁴ êlicher sûn an dem andern tail, vnd offnot o^vch do der selb ietzgenempt Eglolf von Rosenberg offenlich vor || vns vnd sprach, daz er fúr sich vnd fúr sin êrben der fromen wolbeschaiden fro^vwen Vrsulen siner êlichen hûsfrowen dez obgenanten hern V^olrichs von A^emptz êlicher tochter recht vnd rêdlich vfsenden vnd versetzen wo^elt disú nâchgeschribenn gu^eter. Item dez êrsten von dem Aidberg⁵ die vogtye, die da ja^erlich ze zwaien ziln giltet sechsthalb phunt phenning Costentzer múnse, halb ze hêrbst vnd halb ze maigen. Item daz gůt von dem Ermatis, daz man nemmet Erdhûs⁶ vnd ja^erlichs zinses ain phunt vnd fier schilling phenning Costentzer múnse giltet. Item ain phunt phenning Costentzer múnse ja^erlichs ||
zinses vss V^elis Zubers wise gelegen ze Bernang⁷ an der núwen brûgge. Item ain phunt phenning Costentzer múnse ja^erlichs zinses von dem ho^eflin ze Hûsen⁸, daz wilent dez von Roschach⁹ gewesen ist. Item ain phunt vnd fier schilling phenning Costentzer múnse ja^erlichs zinses von der wise, die man nemmet daz Gemúnd¹⁰, gelegen an dem Tungelbach¹¹. Item drithalb phunt vnd zwen schilling phenning Costentzer múnse ja^erlichs zinses von der wise, die man nemmet die Teganin¹² vnd ainhalb stosset an Diggenow¹³, vnd ain phunt vnd fier schilling phenning ja^erlichs zinses vss der wise, die man nemmet die Kloterin¹⁴, gelegen vff Bernanger wisa vnd ainhalb stosset an den Gibel¹⁵. Item den wingarten ze Hûsen, der da geko^vfft wart von hern Eglolfen von Roschach¹⁶, der da stosset ainhalb an den Schilt¹⁷ vnd anderthalb an Johansen wingarten von A^emptz¹⁸, vnd ze ainem rechten rêdlichen werenden vnd niessenden phand ân allen abgang der ja^erlichen nútze vnd diz nâchgeschribnen ho^vpgůtes, in setzen wo^elt fúr acht hundert guldin gůter an golde vnd mit voller gewichte fúr ir widerlêgunge an ir hainstúre, die er ir gelobt hette ze geben vnd vszerichten, dú selben vorgeschribnenn gu^eter mit allen rechten vnd mit allen irn zůgeho^erden er ir vfsenden vnd in setzen wo^elt mit samlicher beschaidenhait dinge vnd gedinge vnd in den rechten, wenne daz bescha^ech, daz er von todes wegen ab gegangen wa^er vor der obgenanten fro^v Vrsûlen siner êlicher hûsfrowen vnd der selb vorgeschriben phantschatz dennoht vnerlo^est wa^er worden, so so^elt die selb vorgenempt fro^v Vrsul sin êlichi hûsfrow dú vorgeschribnenn gu^eter vnd phantschatz allú mit allen rechten nútzen vnd gewonhaiten vnd mit aller zůgeho^erde ze end ir wile haben niessen besetzen vnd entsetzen ân alles abschlahen der nútze vnd dez vorgeschribnenn ho^vpgůtes als lang vnd alle die wile vnd si der vorgeschriben acht hundert gůter vnd genger volswa^erer guldin nút gantzlich gewert noch vsgericht ist worden. Vnd wenne si denn dâr nâch enist vnd von todes wegen abgegangen wa^er vnd dú vorgschribenn gu^eter vnd phantschatz dennoht vnerlo^est von ir wa^erint, so so^eltint dú selben vorgeschribenn gu^eter vnd phantschatz an dez obgenanten Eglolfs êrben von Rosenberg dannenhin gantzlich vnd gar angefallen vnd ledeklich in iro handen sin mit allen rechten, als vor beschaiden ist. Wa^ere o^vch, daz iemant siner êrben die vorgeschribenn gu^eter vnd phantschatz vmb die vorgeschribenn acht hundert guldin an sich lo^esen wo^eltint, die selb losung so^elt vnd mo^echt beschehen vor sant Johans tag dez To^vffers ze sûnnwendi mit den nútzen, die denne dez selben jâres von den vorgeschribenn gu^etern koment vnd gefallent, ald aber nâch dez selben sant Johans tag ân nutz. Wa^ere aber, daz die selb vorgenempt fro^v Vrsul von todes wegen ab gienge vor im, so so^elt er die vorgeschribenn gu^eter vnd phantschatz o^vch ze ende siner wile haben vnd niessen, ob sú dennoht vnerlo^est wa^erint, vnd nâch sinem tode o^vch wider an der selben vorgenempten fro^v Vrsûlen êrben gefallen sin ledeklich vnd gar ze gelicher wise vnd in allen den rechten, als vor von im vnd von sinen êrben nâch sinem abgange geschriben stât vnd mit worten vnderschaiden ist. Vnd pat vns mit ernstlicher bette, daz wir dú selben vorgeschriben gu^eter vnd phantschatz mit aller zůgeho^erde in phandes wise an vnser hand von siner hand vfna^emint vnd ir den selben phantschatz santint vnd lihint ze ainem rechten rêdlichen vnabniessenden phand in allen den rechten dinge vnd gedinge, als er vor vns geoffnot hetti. Dez erhorten wir sin ernstlichen bette vnd nâment von siner hand vf an vnser hand dú vorgeschribenn gu^eter vnd phantschatz mit aller zůgeho^erde vnd santont vnd lihent in von vnser hand der obgenanten fro^v Vrsulen siner êlichen hûsfrowen hern V^olrichs von A^emptz ritters êlicher tochter vnd lihent ir mit vrkúnde diz brieues dú vorgeschribenn gu^eter vnd phantschatz, als sú da vor geschriben stând vnd mit worten benempt sint, mit hûs mit hof mit akkern mit wisen mit holtz mit veld mit wunn mit waiden mit stegen mit wegen mit wasen mit zwy mit wasser mit wasserflússen mit gengen mit strâssen vnd mit allen den rechten nútzen vnd gewonhaiten, so von recht ald von gewonhait dârzů ald dar in geho^erent vnd vntz her geho^ert hant, ze ainem rechten rêdlichen vnabniessenden werendem phande in allen den rechten dinge vnd gedinge, als da vor geschriben stât vnd mit worten vnderschaiden ist, vns vnsern nâchkomen vnd dem vorgeschribenn vnserm gotzhus an vnsern rechten gantzlich vnscha^edlich. Vnd ist diz alles beschehen vnd recht vnd rêdlich volfu^ert mit allen den worten werken geta^eten vnd geba^erden, so von recht ald von sitten oder von gewonhait dârzů gehortent ald geho^eren soltont vnd notdurftig warent vnd als es nâch dem rechten wol kraft vnd maht sol vnd mag han ietz vnd hienâch. Vnd ze offenem wâren vrkúnde vnd sta^eter sicherhait diser vorgedâchten lehenschaft vnd aller dirre vorgeschribenn dinge vnd vergicht so haben wir Cůn abt dez vorgeschriben gotzhûs da vor genempt vnser insigel offenlich an disen brief gehenket. Dâr nâch vergich ich Růdolf von Rosenberg von Bernang¹⁸ ritter dez obgenanten Eglolfs von Rosenberg mines vêtter sa^eligen kind vogt, daz alles daz wâr ist, so der erwirdig min gena^ediger herre abt Cůn da vor genempt von dem selben obgenanten minem vetter Eglolfen sa^eligen von Rosenberg da vor veriehen hât, vnd aber der selb min vêtter sa^elig siderma^vls von todes wegen ab gegangen ist vnd aber diz brief bi sinem leben mit versigelen nút volfu^ert sint worden vmb diz vorgeschriben sache, daz ich da minen gůten willen gunst vnd verhengnûsse gantzlich vnd gar dârzů geben han, daz diz brieue vmb alle die sachen dinge vnd gedinge, so hie vor geschriben stât vnd mit worten vnderschaiden ist, volbra^vcht vnd volfu^ert sint worden in aller der ma^vsse, als hie vor mit vnderschaide der wort an disem brief geschriben stât. Vnd dez ze sta^eter wârer sicherhait der selben dinge vnd gedinge so han ich o^vch min insigel an statt vnd in namen dez vorgenempten Eglolfs sa^eligen mines vetter, der von todes wegen ab gegangen ist, vnd o^vch fur sinú kindli, die er hinder im gelâssen hât, dero rechter vogt ich bin, vnd o^vch fúr mich in vogtes namen offenlich an disen brief gehenket. Der geben wart ze Rummashorn in dem jâre, do von Cristi gebúrt wârent drútzehenhundert vnd achtzig jâr^b) vnd dar nâch in dem achtendem jâre, an dem na^ehsten zinstag nâch mitterfasten.

Source Fulltext: Chartularium Sangallense X, Nr. 6250, S. 480-482.