Ich grauff Ruodolph von Werdenberg¹ verglich^a) meinnglich mit dißem brieff für mich vnd grauff Hugo von Werdenberg² meinem bruoder vnd für alle vnßere erben vnd nachkommen, dz ich für vnß der^a) zechenden, der be durygung^a) vnd gohn solt ab vnd vssert dißen nachgesetzer vnd^b) gesagten höffen, die an dem berg ob Bernang³ im Rinthall gelegen seind, alß den zechenden ab vnd vssert dem hoff hinder der Egg⁴ genambt, item den zechenden ab vnd vsser dem hoff genambt an Blater⁵, item den zechenden ab vnd vsser dem hoff genambt Kellenberg⁶, item den zechenden ab vnd vsser dem hoff genambt Saunder⁷, diße zechenden auff den ietzbenambten vier höffen han ich für mich vnd für graff Hugo, da war^a) mein bruader, vnd für alle vnßere erben vnd nachkommenden mit wolbedachten sein vnd muoth auff recht vnd redlich verlihen vnd licht eß mit dißem brieff zue einem rechten stäten vnd ewigen erbzinßlechen hin ein einen^a) järlichen ewigen zinß dem bescheiden Ruodolph Haeiatz^a) von Bernang im Rinthall allen seinen erben vnd nachkomenden nach in solchen richtigeß ewigen vnd gedachtem^a), dz d . . .^c) vnßer zechenden ab vnd auß den obigen vier höffen nun hirin hin zue einem rechten ewig erbzinßlechen in haben nissen versetzen vnd entsetzen sonderen^a) von meiniglich vnd sonder^a) von dene selben zechenden, dz vnß vnd vnßeren erben vnd nachkommen nach vnß nun hein hin aller jährlichen auff St.Martis tag dreyssig schillig pfenig gueter Costantzer müntz zue richtigen jährlichen ewigen zinß in allweg ohne wider red vnd ohne vnßern schaden geben vnd entrichten sol^a) ohne alle gefahr. Vnd dz alles zue wahrer vrkhunt vnd zue stäter sicherheith so hab ich obbenambter graff Ruodolph von Werdenberg meinen eigen in sigell für mich vnd meinen obbenambten bruoder graff Hugo vnd für alle vnßere erben vnd nachkommen offenntlich gehenckht an disem^a) briff. Der geben ist an St. Gallen abendt nach Christi geburth drey zechen hunderth vnd in acht vnd achzigisten Jahr.

Source Fulltext: Chartularium Sangallense X, Nr. 6284, S. 528-529.