Wir Cůn von gottes gnaden abt des gotzhus ze sant Gallen¹, das a^vn alles mittel zů geho^ert dem stůl ze Ro^vm, || veriehent mit disem brief, das fúr v´ns kam ze Lindo^vw² in der statt der beschaiden Cůntz Haintzel burger ze Lindo^vw vnd || sprach, das^a) von v´ns vnd vnserm vorgenanten gotzhus ze sant Gallen das geriht zem Tegerstain³, item das hus, item der wiger, || item der torggel, item^b) der alte garte, item vnd alle tailgârten ze Tegerstain alles gelegen mit allen rehten nútzen vnd gewonhaiten vnd mit aller zůgeho^erd sin reht lehen wa^eri, vnd batt v´ns der selb Cůntz Haintzel burger ze Lindo^vw ernstlich, das wir im so^elich gna^vd ta^etint vnd von im vff na^emint dz vorgenant geriht hus wiger torggel den alten garten vnd alle tailgarten mit aller zůgeho^erd ze Tegerstain gelegen an vnser hand vnd dz selb geriht hus wiger torggel den alten garten vnd alle tailgarten mit allen rehten vnd zůgeho^erden alles gelegen ze Tegerstain^c) ze rehtem lehen wider lihint dem selben Cůntzen Haintzel burger ze Lindo^vw vnd allen sinen elichen liberben tohtran vnd knaben gelich, darvmb erhortont wir do gna^edklich sin bett vnd nament von dem selben Cůntzen Haintzel an vnser hand vff das vorgeschriben geriht hus wiger torggel den alten garten vnd alle tailgarten ze Tegerstain alles gelegen vnd lihent dz selb geriht hus wiger torggel den alten garten vnd alle tailgarten mit aller zůgeho^erd ze Tegerstain gelegen dem egenampten Cůntzen Haintzel vnd allen sinen elichen liberben knaben vnd tohtran gelich von besundern gnaden ze rehtem lehen mit disem brief mit der beschaidenhait, dz die elichen liberben dú vorgeschribnen lehen ie nach to^vd von v´ns vnd vnsern nahkomnen enpfalhen^d) sont vnd also v´ns vnd vnserm vorgenanten gotzhus an allen vnsern rehten vnd gůten gewonhaiten der selben lehen gantzlich vnscha^edlich vnd vnuergriffenlich, vnd ist diz beschehen vnd redlich vollfu^ert nah vnsers gotzhus gewonhait vnd reht, als es krafft vnd maht haben sol vnd mag ietz vnd hie nah. Vnd des hierv´ber ze warem vrkúnd habent wir abt Cůn da obgenant vnser insigel offenlich gehenkt an disen^e) brief. Der geben ist an ma^entag vor vnser frowen tag ze der liehtmess in dem jar, do man zalt von Cristi gebúrt tusent drúhundert ahtzig vnd nún jar.

Source Fulltext: Chartularium Sangallense X, Nr. 6306, S. 551.