Wir^a) gra^vf Johans von Habspurg der júnger¹ der hochgebornen fúrsten vnser gnedigen herschaft von O^esterrich etc. lantuo^vgt ze Thurgo^ew ze Ergo^ew vnd || vff dem Swartzwalt tůn kunt mit disem brief, das fúr v´ns vnd dis nachgeschriben vnser herschaft von O^esterrich ra^et komen sint Hans || der Balber burger ze Winterthur² von sin selbs vnd Heinrichs Balbers sines brůder vnd sin selbs handen vnd wegen an eim teil vnd Hans vnd Walther || die Altenburger von To^esse³ gebrůder an dem andern teil. Vnd offenbart do vor v´ns der obgenant Hans Balber von sin selbs vnd sines brůdern wegen, wie dz si von den erwirdigen herren yetzind abt Wernhern von Rosenegg abt in der Rycheno^vw⁴ vnd abt Cůn abt ze sant Gallen⁵ ze lehen hettind die egenanten Hansen vnd Walthern die Altenburger von To^ess gebrůder mit sampt andern lúten, vnd zo^eigten v´ns och des brief von den selben a^ebten vnd ir voruarnden. Da wider antw´rten die vorgenanten Hans vnd Walther die Altenburger gebrůdere vnd sprachen, si werint vnschuldig, dz si von dheinem abt vsser der Richeno^vw oder von andern herren der egenanten Balber oder ires vatter selign lehen gewesen weren oder noch siient, vnd wolten o^vch da fúr tůn, wz si von rechtz wegen da fúr tůn solten, vnd sprachen, ir vordem vnd sy gehorten an die grafschaft von Kyburg⁶. Vnd na^vch der vorgenanten beder teil brief red vnd widerred so haben wir vnd die selben vnser herschaft ra^et der mer teil vnder v´ns erkent vnd sprechent her vmb vss mit disem gegenwúrtigen brief, das die obgenanten Hans vnd Heinrich die Balber by iren lehen briefen beliben súllen vnd inen o^vch die obgenanten Hans vnd Walther die Altenburger gebrůder dienen vnd tůn súllen, als ein man sinem herren billich tůn sol vnd als si vnd ir vordem irem vatter seligen vor den ziten gedienet vnd getan hant, e dz ir vatter selig wider der obgenanten vnser herschaft huld geta^vn hat, vnd sol inen das, als der selb ir vatter in vngnaden der herschaft gewesen ist, an den lehen keinen schaden bringen, a^vn geuerd. Vnd sint dis die ra^et der edel min lieber vetter graff Berchtolt von Kyburg⁷, hern Peter von Torberg⁸, V^olrich von Brandys⁹, Hans drugsetz von Diessenhouen¹⁰ genant Brak, Eglolf von Roschah¹¹, Heinrich Gessler rittere, Henman von Bubendorf¹² vnd Cůnrat von Sa^vl schulth(eis) ze Winterthur¹³. Mit vrkúnd ditz briefs besigelt offenlich mit v´nserm eigen anhangenden insigel. Geben ze Baden¹⁴ an sant Laurenciien abend na^vch Crists gebúrt drúzehenhundert vnd achtzig, dar na^vch im núnden jare.

Source Fulltext: Chartularium Sangallense X, Nr. 6341, S. 584-585.