Ich^a) fro Clement von Tokenburg¹ geborn wilunt her Hainrichs sa^elgen von He^vwen² elichi wirtinne tůn kunt vnd vergich offenlich an || disem brief allen den, die in sehent lesent oder ho^erent lesen, als die erbern wisen lút der burgermaister der rat vnd die burger || der stat ze sant Gallen minen aigenn man Hansen von Ffridelschen³ gehaimot vnd geuangen vnd in iro vanknust hattent vmb || das, das si was fúrkomen, er wa^er vff si gangen vnd dabi gewesen, da si angriffen wa^erint, won aber si mir den selben minen aigen man durch min bett vnd durch minen willen ledig vss der vanknust gelassen hant, darvmb so hat der selb min aigen man Hans von Ffridelschen frilich vnd willeklich vngebunden vnd vngeuangen gesunt lips vnd můtes ainen gelerten ait gesworn liplich zů got vnd zů den hailgen mit v^fgehabnen vingern, vmb die selben vanknust der vorgedahten des burgermaisters des râtes vnd aller burger gemainlich von sant Gallen vnd iro ieklichs besunder vnd mit namen aller dero, die an der selben siner vanknust schuld gehept hant mit ra^eten ald mit geta^eten oder in dehain wîse, luter vnd gůt frúnd ze sinne vnd alle sin frúnd in darvmb ze frúnd ze gewinnen ân fúrzug vnd die selben vanknust vnd getât niemer ze andenn noch ze a^eferrenn weder mit geriht noch ân reht noch in kain wise noch ieman von sinen wegen vnd wider gemain stat ze sant Gallen niemer ze komenn noch ze tůnde in kain wîse âne alle geua^erde. Wa^er aber, das er den selben sinen ait iemer v´berfu^eri in dehain wîse, das got nit welle, so sol er der selben gemainer stat ze sant Gallen darvmb ze bůss veruallen sin fúnf vnd zwainzig pfunt pfenning gůter Costentzer múnse. Vnd han ich gelopt, den selben burgern vnd gemainer stat ze sant Gallen vmb das selb gůt haft ze sinne vnd inen das selb gůt gantzlich ân fúrzug ze gebenn vnd ze rihtenn, ald ta^et ich des nit, so sont vnd mugent dann die selben burgermaister der rat vnd die burger gemainlich der stat ze sant Gallen vnd ir erben vnd nachkomenn vnd ir helfer mich vnd den obgenanten minen aigenn man darvmb angriffen pfenden vnd heften an lúten vnd gůten in stetten in do^erffern vnd vffemm lande mit geriht vnd an reht, wa oder wahin si das getůn mugent oder wênt, als vil vnd als lang, vntz das si der vorgeschribnen fúnf vnd zwainzig pfunt pfennig gůter Costentzer múnse vnd o^vch des schaden, in den si vnd iro helfer von dirr pfandung vnd angriffens wegen koment, gantzlich gewert vnd vssgeriht werdent ân allen iro schaden. Vnd sol mich noch den obgenanten minen aigenn man dauor nit schirmen enkain frihait noch gewonhait enkain buntnust noch lantfrid enkain burgreht noch lantreht enkain reht weder gaistlichs noch weltlichs gerihtes noch enkain ander sach noch fúrzug. Doch han ich mir selb behalten vnd v^ssbedingot, bescha^eh das ich dann ainem burgermaister vnd ainem gemainem rat der stat ze sant Gallen den selben minen aigenn man geuangenn geantwurti in so^elichú band, das si sin sicher sint, so sol ich vmb die vorgeschriben gelúpt vnd sach von in gantzlich ledig vnd enbrosten sin. Vnd des alles ze offemm wâren vrkúnde vnd ze ainer sta^eter sicherhait aller vorgeschribner dinge vnd gedinge so han ich fro Clement von Tokenburg geborn da vorgenemt min insigel gehenkt an disen brief. Darnach vergich ich der obgenant Hans von Ffridelschen ain gantz warhait aller dinge, so die edel hochgeborn min gna^edigú fro^vw fro Clement von Tokenburg da vorgenemt von mir gekúndet vnd veriehen hat an disem brief, vnd won ich aigens insigels nit han, so han ich mich willeklich gebunden aller vorgeschribner dinge vnder der selben miner gna^edigen frowen insigel, wâr ze lassenn vnd sta^et ze haltenn alles, das von mir da vorgeschriben stât. Dirr brief ist geben ze Swarzenbach⁴ an dem na^ehsten ma^entag nach v´nser fro^vwen tag ze mittem o^egsten, do man von Cristus gebúrt zalt drúzehenhundert jâr vnd darnach in dem nún vnd ahtzigosten jâre.

Source Fulltext: Chartularium Sangallense X, Nr. 6348, S. 594-595.