Wir^a) graue Fridrich von Zolrr corherre ze Strasburg, graue Fridrich vnd graue Ostertag all dry gebruder vnd graue Fridrich der Swartzgraue vnd graue Ostertag ouch gebruder all herren ze Hohen Zolrr verienhen offenlich an disem brieff vnd tun kunt allen den, die in ansenhent lesent oder horent lesen, als vns die edeln wolgebornen vnser lieben herren vnd oheime L graue Eberhart von Wirtemberg der elter, Syfrit von Veningen maister Tutsches ordens in Tutschen landen vnd Fridrich graue zu Otingen mit den ersamen wysen disen nachgeschriben stetten Regenspurg, Basel, Augspurg, Nuremberg, Vlme, Esslingen, Rutlingen, Rotwil, Wyl, Nordlingen, Dinkelspuhel, Halle, Rotemburg vff der Tuber, Hailbrunn, Wimpffen, Gemund, L Swinfurt, Memmingen, Bibrach, Winszhain, Wyssemburg, Mulhusen, Kempten, Kouffburen, Lutkirch, Ysen, Pfullendorff, Aulun, Bopffingen, Giengen, Wyl in Turgow, Winsperg, Buchow lieplich vnd tugentlich veriht vnd uber ain brauht hant, als von wort ze wort hernach geschriben stat: Es folgt der Text von Nr.6376. Daz wir vorgenanten von Zolrr alle vnd vnser ieglicher besunder alles, daz da vorgeschriben stat, war statt vnd vest haben vnd vollfuren wellen an all geuerde vnd argelist, wann vns daz ouch gentzlich vollfurt vnd vssgetragen ist in aller der mausz, als vorgeschriben stat. Vnd dez zu ainer waren vrkund vnd gezugnusz so haben wir alle vnser ieglicher besunder sin aigen insigel gehenkt an disen brieff. Der geben ist an dem nahsten fritag nach sant Laurencis tag, do man zalt von Crists geburt druwzehenhundert jaure vnd darnach in dem nuntzigosten jaure.