Wir Cun von gottes gnaden abt des gotzhus ze sant Gallen¹, das an alles mittel zu gehord dem stul ze Rom, tund kund mit disem L brief, dz fur vns kam ze Wil² in vnsers gotzhus stat an dem hailigen crutz tag die beschaiden lut Rudi Haider vnd Waltdi Haider L vnd Aldelhait Rudis Haiders elichu husfrow vnsers gotzhus lut, vnd sprachent, dz ain gut nempt man den Riedaker vnd den LangenLaker in Rieder³ vnd den Frowun aker vnd den viertail in der Hubwis ze Nidrenburen⁴ gelegen vnd ir lehen wari von vns vnd von vnserm vorgenanten gotzhus ze sant Gallen, die selben guter sy verkoft vnd ze koffend geben hetti^a) redlich vnd reht dem wolbeschaiden Vli Haider, vnd battend vns ernstlich, dz wir die selben guten mit allen rehten nutzzen vnd gewonhaitten von inen vff nemin an vnser hande vnd die vorgenanten guter mit allen zugehorde lihin dem selben Vli Haider ze lehen, won si im ez ze kofend geben hetti^a). Dar vmb erhorttun wir ir gebatt vnd namun die vorgenanten guter, die man nempt den Riedaker vnd der Langaker in Rieder vnd den Frowun aker, vnd den viertail in der Hubwis ze Nidrenburen gelegen von inen vff an vnser hand vnd lihint du selben^b) guter mit aller zugehord nuttzzen vnd gewonhaitten dem vorgenanten Vli Haider ze lehen vnd lihint im och mit disem brief, waz wir im von reht lihen sullin, doch also vns vnd vnserm vorgenanten gotzhus an allen^c) vnsren rehten gentzlich vnschadlich. Vnd ist diz beschachen vnd redlich vollfurt nach vnsers gotzhus gewonhait vnd reht, alz ez kraft vnd maht haben sol vnd mag ietz vnd hienach. Vnd dez ze vrkund aller diser vorgenanten ding so habin wir vnser insigel gehenkt an disen brief. Der geben ist ze Wil in der stat an dem hailigen crutz tag in dem jar, do man zalt von Cristi geburt tusent druhundert vnd nuntzig jar.