Ich^a) Herman Gailer burger ze sant Gallen tun kunt vnd vergich offenlich an disem gegenwurLtigen brief allen, die in sehent lesent oder horent lesen, daz ich mit wolbedahtem mut willeLklich frilich vnd vnbezwungenlich offenlich gesworn han ainen gelerten aide liplich ze got L vnd ze den hailigen mit vf gehabenen vingern, war daz ich dehainer lay stoss sach oder ansprachen hetti vff disen huttigen tag, alz dirre brief ist geben oder hinnenhin iemer gewunne zu gemainer stat ze sant Gallen oder zu dehainem burger oder burgerinen besunder ze sant Gallen, su sien ietz burger ald si werdent noch da selbs burger, wenne vnd alz dik daz beschach vnd wolti ich danne ie darumb rehtes niht enbern, daz ich ie danne oder min gewisser bott, dem ich dann min klag vnd ansprach enphilch, ie darumb rehtes phlegen vnd reht von in nemen sol vnd wil ze sant Gallen in der stat vor irem geriht vnd niedort anderswa, won nach der selben stat reht vnd gewonhait, ez war danne, daz ich oder min botte da selbs rehtlos gelassen wurdint vnd daz och das da kuntlich wurde, so ist mir behalten vnd in dem aid vss gelassen, daz ich das reht ie danne, von dem ich oder min botten ie danne rehtlos gelassen sien, anderswa suchen sol vnd mag, da es dann billich vnd muglich ist, ân alle geuarde. Vnd des alles ze offem warem vrkunde vnd stater sicherhait aller der vorgeschribenn dinge vnd vergiht so han ich Herman Gailer da vorgenant min insigel offenlich gehenkt an disen brief. Der geben ist ze sant Gallen an dem nahsten zinstag vor sant Lucien tag in dem jâr, do man zalt von Cristus geburt druzehenhundert jâr vnd darnach in dem ain vnd nunzigostem jâre.