Wir^a) Leupolt von gots gnaden hertzog ze Osterr.¹ ze Steyr ze Kerndn vnd ze L Krain graue ze Tyrol etc. tun kunt, daz wir vnsern getrewen lieben dem L rat vnd den burgern ze Rapresweil² den bruggzol der langen prugg L vber den Zurichsee zehen gantze jar, die nechst nach einander koment, vnd darnach vntz an des hochgeporen fursten hertzog Albr.³ vnsers lieben herren vnd vettern vnser lieben bruder vns vnd vnser erben widerruffen gegeben haben, also daz si dieselben bruggen, die yetzgenant zeit verwesen pawen vnd besetzen vnd auch entzsetzen sullent, wie es vns vnd in allerpest fuglich sey, an geuerde. Mit vrchund ditz briefs. Geben ze Baden⁴ an samstag nach sant Anthonij tag nach Cristi gepurde drewzehenhundert jar, darnach in dem zway vnd neuntzigistem jare.