Wir Wenczlaw von gotes gnaden Romischer kunig zu allen czeiten merer des reichs vnd kunig zu Behem L embieten dem burgermeister rate vnd burgern gmeinlichen der stat zu sant Gallen vnsern vnd des L reichs liben getrewen vnser gnade vnd alles gut. Lieben getrewen, vmb sulche gewonliche stewer, L die ir vns vnd dem reiche jerlichen zu geben pflichtig seit, heissen vnd gebieten wir euch ernstlich bey vnsern vnd des reichs hulden, das ir die vnserm liben getrewen Borzywoyen von Swinars lantfogten zu Swaben vnd zu Elzsassen oder seinem boten vf den nehsten sand Merteins tage genczlichen vnd vnuerczogenlichen mit guter alder werung richtet vnd beczalet, wann so ir das getan habt, so sagen wir euch derselben stewer als von diesem jare von vnsern vnd des reichs wegen genczlichen vnd gar qweit ledig vnd loze. Mit vrkund dicz briefs vorsigelt mit vnser kuniclicher maiestat insigel. Geben zu Betler noch Crists geburt dreyczenhundert jar, dornach in dem czweyvndnewnczigistem jar, des montags noch sand Lorenczen tage, vnser reiche des Behmischen in dem dreissigisten vnd des Romischen in dem sibenczehenden jaren.