Wir^a) der vogt vnd der rât der statt ze Rapreschwil¹ tunt kunt vnd L veriechenn offenlich mit disem brief von dez huses wegen, daz vor ziten Hansen L Adoltschwilers waz, gelegen ze Rapreschwil bi der hab nidrent der herren L von Ruti² hus vnd hofstatt, als ein tur in der herren hof von Ruti vsser dem vorgeschriben hus gât vnd gemachet ist, daz wir vns darumb mit enander vnderredt vnd erinret haben, vnd hât sich vnder vns erfunden vnd ist kuntlich worden, daz dieselb tur an dem vorgeschriben hus nit sin sol von rechtz wegen, vnd wenn ein abt vnd die herren von Ruti dez nit enberen weltint, so sol der, wer der ist, in dez hand vnd gewalt daz selb hus denn stât, die vorgeschriben tur vnuerzogenlich vermuren vnd vermachen, won daz von alter also her komen ist. Vnd dez ze warem vrkund haben wir obgenanten vogt vnd rat ze Rapreschwil vnser statt insigel offenlich gehenkt an disen brief. Der geben ist an sant Hylarien tag, do man zalt von Crists geburt drutzehenhundert jar, darnach in dem vier vnd nuntzigosten jare.