Nos^a) Cunradus Tâlakrer plebanus plebis ecclesie sancti Stephani¹ Constanciensis iudex ad infrascripta succonservator iurium et privilegiorum reverendi et religiosi in Christo patris domini L Cunonis dei et apostolice sedis gracia abbatis monasterii sancti Galli² ordinis sancti Benedicti Constanciensis dyocesis sedi apostolice inmediate subiecti a venerabili et religioso patre domino abbate monasterii L in Piscina³ eiusdem ordinis et dyocesis conservatore unâ cum aliis suis collegis cum illa clausula, quatenus vos vel duo aut unus vestrum per se vel alium etc. ab eadem sede apostolica principaLliter delegato specialiter deputatus universis et singulis abbatibus prepositis prioribus decanis camerariis parrochialium ecclesiarum rectoribus plebanis viceplebanis cappellanis altaristis et notariis publicis per civitatem et dyocesim Constanciensem ubilibet constitutis et specialiter plebanis ecclesiarum in Rotwil⁴ in Vilingen⁵ in Dutlingen⁶ in Trossingen⁷ et in Hufingen⁸ salutem in domino et mandatis nostris ymo verius apostolicis firmiter obedire. Gravi nobis dictus reverendus pater dominus Cuno abbas sua querela monstravit, quod licet dudum ipse conquerens obtinuerit certum et indubitatum privilegium seu litteras graciosas illustrissimi principis domini Wenczlauwi regis Romanorum et Bohemie semper augusti^b) et ab ipso ex causis racionabilibus et alias debite, quarum litterarum tenor de verbo ad verbum sequitur et est iste: Es folgt der Text von Nr.5743. + Quamvis et tandem huiusmodi littere privilegiales diversis iudicibus provincialibus Sweuie presentate atque ostense fuissent et principaliter eciam in iudicium provinciale Rotwile deducte iudicialiter atque exhibite presidente protunc ipsi iudicio pro tribunali sedente et inibi per sententiam etiam ipsas litteras valere et validas esse obtentum legitime unâ eciam cum consecucione litterarum vidimus a iudice et iusdicentibus ibidem, quarumque litterarum vidimus principium atque finis et in quantum premissa probant presentibus annectentur in fine, nichilominus tamen spectabilis vir dominus Rudolfus comes de Sulcz⁹ iudex provincialis nuper et post hec ad quandam importunam atque illicitam instantiam cuiusdam temerarii viri et maximi vexatoris Eberlini dicti Holenstain subditos ipsius domini abbatis ac oppidanos in Wil¹⁰ oppidi antedicti citare coram se et iudicium prefatum aliasque molestare et perturbare minime formidavit. Verum autem cum tam ipse querulans quam iidem sui subditi parati semper fuissent parti adverse videlicet Eberlino Holenstain predicto viro utique violento iuxta mentem dicti privilegii iusticiam ministrare, illud quoque propositum fuerit suis loco et tempore satis plene aliaque servanda servata extiterint, ex huiusmodi fore factis dictum comitem in Sultz penas in eisdem privilegiis contentas non est dubium incidisse. Vobis igitur et cuilibet vestrum mandamus, quatenus auctoritate nostra diligenter amoneatis eundem comitem, quem et nos presentibus amonemus, quatenus infra spacium sex dierum a publicatione presentium sibi facta eidem domino Cunoni causis ex premissis de predicta pena videlicet vigintiquinque librarum auri, si habet, alias in quantum habere potest usque ad summam predictam, quodque super residuo, quod non habet, luat in corpore, ut est iuris, sicque satisfaciat vel alias cum eodem venerabili patre se super hiis amicabiliter componat aut saltem dicta sexta die, si iuridica fuerit, alioquin die proxima iuridica sequenti coram nobis compareat causam racionabilem ostensurus, si quam habet, quare ad premissa minime teneatur. Alioquin ipsum comitem, quem excommunicamus presentibus in hiis scriptis, excommunicatum uxoremque familiam colonos et inquilinos ipsius, quos propter hoc ecclesiastico subicimus interdicto, nichilominus tamen inhibeatis omnibus vestris subditis aliisque Christi fidelibus, quibus et nos presentibus inhibemus, ne quis eidem communicet cibo potu furno foro molendino empcione vendicione cultura loquela taberna seu quavis alia communicatione a lege vel canone non concessa necnon omnes et singulas sententias predictas accensis candelis pulsatis campanis singulis diebus dominicis et festivis infra missarum sollempnia cantando responsorium Revelabunt celi iniquitatem Jude etc., et psalmodiam Deus laudem meam ne tacueris, per ordinem sollempniter publicetis et publicatas observetis, sicut canonicam et nostram effugere volueritis ulcionem. Principium dicti vidimus¹¹ sequitur et est tale: Ich Eglolff von Wartemberg¹² ain fry hofrihter an statt vnd in namen grâfe Rudolfs von Sulcz etc., et finis est ille: nâch Cristi geburt druzehenhundert jare vnd in dem ahczigosten jare etc. Et in signum execucionis presencium sigilla aut signa vestra, prout requisiti fueritis, sub pena predicta apponatis. Datum Constancie anno domini millesimo CCC^moLXXXX^mo sexto, III idus ianuarii, indicione quarta.