Wir^a) Cuno von gottes gnaden abt des gotzhus ze sant Gallen¹, das ân alles mittel zugehort dem stul ze Rôm, sant Benedicten L ordens in Costentzer bistum gelegen veriehen ain gantz warhait aller vnd ieklicher articul vnd puncten, so der beschaiden Johanness L Pfister von Gossow² ain offner schriber in dem instrument vergiht, das er von vns vnd vnsern nachkomen vnd dem egeschribnen L vnserm gotzhus ze sant Gallen vnd von Vrsellen^a) ze den ziten maistrinen vnd von ir ietzigen vnd kunftigen swostern des ainsidellichen huses vff Noggersegg³ mit siner aigen hand geschriben vnd mit sinem gewonlichen zaichen^b) gezaichen hât. Des ze offem warem vrkund geben wir vnser apty insigel fur vns vnd vnser nachkomen offenlich an disen brief. Der geben ist ze sant Gallen, an dem nahsten donstag nach vnser frowen tag ze ogsten des jares, do man zalt von gottes geburt tusent druhundert nuntzig vnd sehs jare.